【我不怕唱歌】经典偶像组合原来识唱歌　周柏豪惊讶：新人嚟？

周柏豪：吴业坤？
C君：个样遮到咁点估呀？
J.Arie：一睇头发就认得！
除左郑伊健，仲有边个一睇头发系认得？
摄影：梁碧玲　许栢伦

每个时代都会有唔同偶像，《我不怕唱歌》今次找来昔日的偶像组合，他们红到你们未必想像得到，粉丝夸张程度不下于现在追韩星。“我们当年做商场骚都系逼爆，唔止一次，每一次做完骚有十几廿架车跟住你去走！”他们由出道起已经充满话题性，成员们对跳舞﹑快歌都充满热诚，其中一个对音乐更非常执著。

由于今次嘉宾拣了周柏豪的《我的宣言》，因此特地找来柏豪猜猜他们是谁，柏豪一开口就估吴业坤，更问是不是新人，看来完全无头绪，C君则表示唱得几好听，J.Arie看片段一直在找寻破绽，结果，最后看到其中一位成员的头发后，无论柏豪﹑C君和J.Arie都估中今集嘉宾，J.Arie坦言一睇个咀同个头就认得，究竟边个咁易认？

开估喇，佢地就系E-Kids！今次专程找来其中两位成员，Tommy和Alan，因为三个缺一个的关系，增加难度。其实E-kids2002年出道时，的确带来一番新气象，因为其印象突出，自然成为谈论对象，可是他们的音乐作品其实几好听，《初哥》﹑《开始恋爱》﹑《青春火花》等等，都深受年青人欢迎。今次Tommy和Alan拣选了三首作品，分别是周柏豪的《我的宣言》﹑《有心人》以及成名作《开始恋爱》。

Alan坦言：“我女朋友好钟意呢首歌，之前佢听呢首歌冇感觉，系突然间话好爱呢首歌，连唱既系边个都唔知，咁岩有呢个活动，于是拣呢首歌。”Tommy补充：“我觉得今年自己系有些不同的，其实我哥哥早两年结婚，佢无情情在台上唱呢首歌畀太太，于是返去揾返来听，好好听㖞，其他歌手的歌少机会唱，一路几钟意呢首歌，但唔系好熟。”

问到Alan求婚未，他不讳言：“求左婚了！”Tommy回应道：“我都唔知㖞，真系呢下第一次知！”Alan又一句：“见你们咁快…”Tommy鬼马答道：“你又知我快？出名就咩架麻！”Alan终于回到正题：“我知道好多人以为我(未婚妻)有咗，我只系有咗啲谂法，2个兄弟都咁开心，觉得系时候要稳定些。”

经历咗咁多，两人非常好兄弟，仲有型咗添！

实力派偶像？

如果冇现场睇过E-Kids的演出，或许你会认为他们只爱“耍帅”，没有什么实力可言，不过你谂起E-Kids，少不免会有音乐在耳边响起，因为歌曲其实歌曲都几入脑，唔少歌都系Tommy创作，他坦言：“都冇办法，我尽咗力去做，但大家睇到另一面，呢两三年会好啲，有网络平台自己讲到自己想讲既野。媒体唔会同你讲好嘢，唔知系咪形象问题，传统媒体都唔受关注。总之我哋想讲音乐都冇人理。我第一首歌叫《私人时段》，我揾晒full band帮我做demo，再拎去做几日，做到(编曲)陈光荣病咗，我哋好认真，但其他人反而关注我哋3个金毛，Tim仲要自己排舞。”

其实E-kids一直被外间取笑，究竟佢地最介意系啲乜？下回分解。