出版社办小作家培训班　游戏增写作灵感　校长：想写得好要咁做

受互联网速食文化影响，学生的写作兴趣大不如前，中华基督教会协和小学（长沙湾）校长蔡世鸿更形容，“十个学生七个都唔钟意写嘢！”有出版社于学校举办“小作家培训班”，以游戏形式传授写作技巧，期望学生愿意下笔，令写作成为生活习惯。
摄影：苏炜然

从游戏学习写作

小皇冠童书馆与小麦文化合作，由编辑团队设计一连四堂的“小小作家培训班”，让五至六年级学生参与。中华基督教会协和小学（长沙湾）共有15名学生，经老师推荐后参与培训。

六年级的叶同学分享，从课堂中学习到灵活运用不同写作技巧。“上堂嘅时候老师畀唔同游戏我哋玩，学到点样创作好故事，例如描写高潮。”吴同学则表示，最喜欢课堂上的“灵感游戏”。“老师讲一个词语，女我哋就写低联想到嘅事物，可以将学到嘅技巧喺作文时运用出嚟。”

写作与逻辑思维

中华基督教会协和小学（长沙湾）校长蔡世鸿本是语文老师，亦热爱写作。他指，校内的阅读文化盛行，惟学习语文除了要有“输入”（input），亦要有“输出”（output）。

“睇好多书，唔代表可以写出嚟。睇书系将知识放入脑里唔同嘅格仔，写作就系将格里嘅嘢整理，再表达出嚟。写嘢叻唔代表讲嘢叻，但对语言、沟通、逻辑思维都有帮助。”

他表示，对培训班导师的教学技巧感惊喜，“导师好有技巧，一步一步引导思考，教佢哋表达自己，冇谂到效果咁好。初步希望将佢哋嘅文章结整合书，希望佢哋第时有兴趣做作家。”

古文、词汇弱　宜丰富生活体验

蔡校长指，现时的互联网与速食文化，令学生的写作兴趣、古文及词汇能力较弱，需要师长多加鼓励。“整个大环境唔同咗，以前系睇书、订报纸杂志，而家好多时睇网上文章，亦唔写日记。十个学生七个都唔钟意写嘢，叫细路仔写，难过罚佢跑圈！”

🔼🔼🔼🔼学好中文有唔同方法，有学校就畀小学生去书店体验一下👉🏻👉🏻👉🏻👉🏻学做编辑书店职业体验玩住学中文　英华小学老师：更了解文字工作👈🏻👈🏻👈🏻👈🏻🔼🔼🔼🔼

他认为，要改善写作能力，首先要丰富生活体验。“钟意写作嘅人，会好留意身边事物，乐意探讨不同议题，唔会系闭门造车，咁样题材先会丰富。”

把知识化作材料

“小小作家培训班”的主导师林慧仪表示，团队约于半年前开始筹划课程内容，于每堂设堂课及家课，并会因应不同学校的学生能力而作微调。“编辑本身接触好多作家，我哋参考佢哋嘅思维脉络，以小朋友角度同语言传达，令佢哋可以吸收到。”

林慧仪指，培训班着重的是让孩子“肯落笔”，“坊间好多写作班，佢哋会比较型别化，例如教写抒情文、议论文、记叙文。但平时小朋友睇好多书，吸引好多知识，点样用返出嚟？”

“佢哋上作文堂成日拓住个头，迟迟唔落笔，话谂唔到、冇灵感，其实系吸收得好多，但唔知放咗喺脑里面边个‘柜桶’。”她续指，课堂旨在启发学生把灵感变成材料，整合、串连，再升华至有追看性，让有志写作的同学明白个中窍门。

先愿意下笔

“我哋期望学生钟意睇、谂、写，接触面要大。起码觉得写作系好玩，肯写。其实一日未动笔，一日都唔知系咪可以做作家，希望香港日后会出现更多年轻作家。”

要增进写作能力，她建议学生除了多阅读，更要保持好奇心。“睇书唔系睇单一型别嘅书，视野要阔；另要‘八卦’，行出街要留心、记住有趣细节，适当时候攞返出嚟运用。一啲作品故事情节、题材吸引嘅作者，本身系好能够融入生活，而且极留意时事。”

🔼🔼🔼🔼小一适龄学生人数减少，新学年全港多区的小学都有缩班情况👉🏻👉🏻👉🏻👉🏻全港17区小学👈🏻👈🏻👈🏻👈🏻🔼🔼🔼🔼削减班数　8间学校小一缩剩1班　呢区有7间小学缩班