日本急冻蛋糕大热 家长应该点拣好？营养师：唔好畀小朋友咁食⋯
近来日本超市有售的急冻甜点，例如卷蛋、千层蛋糕、苞芙等深受孩子喜爱。记者收集了各式甜点的营养资料，有营养师表示，这些甜点隐藏高糖及高脂危机，部分甚至含有酒精，绝非健康食物，提醒家长不能以糕点作孩子的正餐，选购时亦要多注意营养标签。
摄影：余嘉文
按图即睇选购贴士：
流心、有馅更邪恶
记者在日本超市收集了26款日式急冻蛋糕，包括卷蛋、千层蛋糕、苞芙、朱古力挞、巴斯克芝士蛋糕等的营养资料。香港营养师学会（HKNS）认可营养师李杏榆表示，样本中的主要成分包括小麦（面粉）、鸡蛋、糖、油（菜油、植物油或牛油），以及澎涨剂、乳化剂、色素、防腐剂等食物添加剂。
她表示，样本中的热量全超过200卡路里（每100克），高热量之余，“一系高糖，一系高脂，一系两样都高”，部分样本的添加剂更是“水蛇春咁长”。李杏榆更指，部分款式添加了酒精成分。“（包装上）用嘅字眼会系‘wine’、‘liquor’，虽然可能喺煮嘅过程酒精会挥发咗，但小朋友系唔适合食任何添加咗酒精成分嘅食物。”她补充，若该甜点有朱古力馅、芝士馅、添加了新鲜忌廉，或有流心效果，热量会更高，可达300至400卡路里（每100克）。
或影响正餐胃口 每次最多吃半件
李杏榆指，急冻甜点绝非有营养、健康的食物。“虽然佢哋讲到用咗鸡蛋、‘fresh cheese’、‘fresh milk’，但背后加咗好多糖分、脂肪”，提醒家长只可当作孩子的开心食物或派对小食，不能当成是正餐。“唔好带个千层蛋糕返学，就当系小息零食。”
“如果依赖佢当系一个正餐，就会摄取唔到正餐有嘅蛋白质、碳水化合物、纤维。小朋友食到好饱好滞，亦影响食正餐嘅胃口。正餐摄取量不足，会影响小朋友整个发展与成长。”
比较热量 注意可可、酒精成分
李杏榆建议，家长选购时，可先比较热量（卡路里值）。以每100克计算，200多卡路里是可接受范围，每次最多让孩子吃半件（即约100多卡路里）。“300以上卡路里嘅话，就唔系好可取。”
假设两款甜点的热量同是200多卡路里，家长可再比较原材料及营养成分。她建议可留意是否含有饱和脂肪或反式脂肪。如是以酥皮制作的甜点，经烘焙后容易产生反式脂肪。其次是留意是否含酒精成分及可可成分。“3岁以下小朋友都唔建议俾佢食含朱古力或可可成分嘅食物，因为咖啡因会令小朋友有活跃情况，或影响晚上睡眠质素。”
另一方面，家长亦要留意糕点的添加剂含量及储存期限。“睇下会唔会加咗好多你唔识睇嘅添加剂，愈少添加成分就愈好。同埋可以睇销售期。一般糕点可以储存一至两星期，但如果系半年或以上，仲要摆室温，可想而知系有好多防腐成分。”
相关文章：消委会测试烧味 红肠叉烧钠超标 营养师：小朋友最多食呢个份量