自我疗愈伤痛 身兼母职照顾子女 林子博忆亡妻：母爱系弥补唔到
林子博的太太董燕君于2019年确诊罕见癌症平滑肌肉瘤，经过一年半的搏斗，去年10月不敌癌魔离世。5个月以来，林子博不时公开分享丧亲经历、接受媒体访问，更会留意网民留言。
“有啲人话老婆都走咗，点解仲消费你老婆？我系有私心，想透过呢个方法嚟医自己，希望快啲复原。”自我疗愈的同时，林子博亦要父兼母职，惟他坦言，太太对子女的母爱终究不能弥补。“母爱系精神层面，唔系一两句说话就可以取替得到。”
摄影：黄宝莹
子女失去倾诉对象
林子博与太太育有两名孩子，分别是15岁的长女及11岁的幼子。他形容，自己向来与孩子的相处方式是很“精神分裂”。“有时系朋友，有时系老豆。我系一个会主动谂节目嘅人，负责带佢哋玩。但当过咗我原则底线，就会做返爸爸角色。”他忆起太太在生时，由太太负责与孩子谈天说地。“倾吓同同学仔嘅相处、面对嘅成长问题，太太做得比我好。”
太太离世后，对子女来说是失去了一个倾诉对象。“尤其系个女，佢同妈咪关系好密切。始终系女仔，未必主动同我倾。阿仔就咩都讲，但未深入到去我老婆嘅层面。佢同我最大嘅分别，系佢会主动去撩小朋友讲。即使我去学老婆𠮶套，其实都好假。”
他又坦言，身兼母职的这段日子，他经常刻意去让子女感觉母亲从未离开。“例如新年派利是都系两封、圣诞节礼物都系两份，我希望小朋友感受到佢嘅精神。”即便如此，有什么是无法弥补？林子博稍作沉默，“当然系𠮶份母爱，我系畀唔到佢哋。母爱系精神层面，唔系一两句说话就可以取替得到。”
自我疗愈伤痛
家庭状况骤变，难免经历悲伤期。林子博分享，两名孩子的复原速度比他快。“我慢系因为我同太太经历太多，由佢病、到离开，感受太深，呢个历练实在太痛苦。”他自言是个理性的人，遇到困难，会想方法解决。他现时仍居于与太太有著共同回忆的房子，家里每个角落也轻易让他忆起太太，惟他坚持不搬迁。“我搬屋，咪即系逃避？”取而代之的，是他尝试自我疗愈。“我有自己方法去处理负能量，揸车兜多两个圈，或者去睇场戏先返屋企。”
过去数个月，林子博曾公开分享丧亲经历、接受媒体访问，对他来说，这亦是一个疗愈过程。“成日话你遇到咩唔开心，要同人分享。但同朋友讲得多，人哋又未必想听。难得记者有访问，我系唔会抗拒。记者问得深入，我可以不断分享，唔使屈埋喺个心。”
未完成的使命
谈起与太太的回忆，林子博分享，二人曾在管教方式上存有分歧。“大家教小朋友态度好唔同，试过为教小朋友而嗌交，而家就冇呢样啦。”他举例，以往农历新年，太太会保管孩子的利是钱，他却认为应由孩子自行处理。“我觉得啲利是钱系佢哋㗎嘛。而家阿女都会话，‘爹哋你咁样呀？如果系妈咪，就唔会咁喇。’我会话‘妈咪有妈咪嘅做法’。”他现时下每个决定前，也会不其然起想太太。“如果俾著我老婆，佢会点做？我系咪应该跟佢套方法？”
反复的思考，让他另有一番体会。“我想同丧亲嘅朋友讲，既然人都走咗，你要企返喺佢角度，谂下佢既遗愿会系咩。我相信10个有10个都希望，在生嘅人好好生活下去，咁就唔好再钻牛角尖。我太太一定系想我好好照顾下一代，所以我亦会履行太太呢个未完成嘅使命，畀最好嘅嘢小朋友，陪伴佢哋成长。”
大学毕业是底线
纵然在教养上，林子博与太太会有不同想法，但对于孩子的发展路向，意见却十分一致。“我同太太都唔抗拒佢哋入呢个（演艺）圈。”女儿热爱舞蹈，4岁便开始参与广告制作，及后亦曾参演电视剧。“我个女4岁已经决定将来系做呢行，年年我的志愿都系做artist！”
他指，女儿受韩国及内地演艺圈影响，希望日后可当练习生。“我都有条底线，喺唔影响学业嘅情况下，我俾你去拍嘢。如果话书都唔读，走去做练习生，就唔得啰。”他坦言，两名孩子的学业成绩也是“麻麻哋”，打算安排他们到外国升学，“喺外国，系人都入到大学㗎嘛，点都同我死个大学学位返嚟先！”
按图即睇儿童情绪警号：
处理孩子的哀伤
心系心生命教育基金创办人李昕主责哀伤治疗及心理辅导，曾接触不少丧亲个案。她表示，当父母一方不幸离世，孩子会感到悲伤，若未有妥善处理哀伤情绪，可带来深远后果。“有时父母唔会同小朋友讲其实已经过咗身，会呃住佢哋，‘去咗另一个星球’之类，小朋友冇真正去明白，其实系唔会再返嚟。对成长后嘅价值观、想法会有影响，例如唔相信人、对自己冇信心，或者变得孤僻，收埋自己。”
她又指，当遇上配偶离世，也要时刻提醒自己平衡生活与情绪。“失去太太、丈夫，当刻心情系好难过。除咗留意情绪，都要留意生活细节，例如点样凑小朋友？如何同小朋友讲生死？唔好忽略其中一边。”她提醒父母，孩子的哀伤需要及时处理，建议与学校密切沟通，留意孩子的行为和情绪表现。
李昕又表示，面对丧亲，每个人也需要时间调适，长度因人而异。“唔需要好紧张几时要走出阴霾，随得自己就可以。如果你自己嘅哀痛，唔影响其他人同自己健康，就唔需要介意用咩方法、几耐时间去处理情绪。”
同场加映：以“放养”模式教儿子训练自理 Coffee林芊妤拣学校只考虑一样嘢