亲子教养｜面对孩子千个问题 如何令他感到学习的快乐｜失败妈妈
撰文： 失败妈妈
出版：更新：
这是一则睡前的聊天。
陈皮最近研究减数。因为他是在家自学，不懂时唯有向妈妈请教。身兼多职的妈妈，总会有时候吃不消孩子随时发问的黑洞问题。
“对唔住，妈妈今日下午好燥，唔系因为你讲极都唔明，系因为楼上装修好快就嘈醒咗弟弟，我自己一时间接受唔到心情唔好，所以回答你问题嘅时候耐性差咗。其实，你问完我问题但都做错或者唔明，我都唔应该燥的。”
“妈妈，我以为你闹我，因为我问咗你三次我都唔明白。原来我误会咗。”
“对唔住，我唔系闹你，我应该再温柔少少有耐性啲去教你，你唔明白或者做错都可以一直问我的。你可唔可以原谅我？”
“可以，我原谅咗你啦。妈妈，系唔系即系我就算问咗你一千次都唔明白，你都唔会闹我？”
“你讲得啱，就算一千次都唔应该闹你。如果真系你又唔明去问我但我竟然闹你，咁系我唔啱，或者我𠮶一刻好攰，烦紧其他嘢冇乜耐性，但系唔系你嘅错。
你问咗我一次唔明，我可以试吓用第二个方法答你，如果都系唔明，我哋再一齐谂第三个方法令你学识，再唔明就再谂第四个方法……妈妈都试过学习有啲知识唔明好耐时间，辛苦最后先至明白，做咗大人都一样会有好多野未揾到答案。加油啊，面对问题唔使惊，我哋一齐揾答案，一齐解决问题。”
“妈妈，学新野真系好开心。”
这是关了灯的睡前对话。黑漆漆的环境看不清他的脸，但却仿佛感受到他脸上那个如释重负的微笑。
作者简介：失败妈妈
一位平凡的基督徒全职妈妈Carrie，读了教育硕士、上过无数教师培训课程，本著以主耶稣为榜样，以为可以理想化教养孩子，但低估了自己的不完美，以致每天育儿和教养都充满血泪和笑料。现育有两子。
作者Facebook专页：陈皮下厨
【编按：文章题目为编辑所拟。】
相关文章：儿子无师自通 在家自学4种语言 5招为孩子制造语境｜失败妈妈
+1