开设手作厨房聘用自闭症员工　家有自闭儿妈妈：希望佢哋可以自立

自闭症孩子长大后，往往都会在职场碰壁，要投入社会工作并不是易事。对于育有自闭症孩子的家长而言，最担心的莫过于他们长大后能否好好照顾自己的生活。同样育有自闭症孩子的妈妈Daisy和Jo开设一间专门聘用自闭症孩子的手作厨房“星星堂”，制作花茶、曲奇、午餐到会等，提供一个训练场，让孩子投身社会前预早适应。
“唔可能要出面嘅人迁就我哋嘅小朋友，一定系佢哋去适应个社会。我哋希望呢度成为学校同工作之间嘅桥梁，等佢哋明白返工系咩一回事。”
摄影：郑子峰

因应性格分配工作

Jo和Daisy的自闭症孩子现年分别为18及23岁，两位的儿子均在同一间小学就读，因而结识。“大家都担心子女长大后找不到工作，与其去求人哋请佢，不如我哋请返自己仔女。”Daisy忆述，她们于2013年创立“星星堂”，形容当时的经营很“山寨”。“喺屋企同小朋友做曲奇、蛋糕、月饼，卖俾朋友、网上接订单。”Jo分享，2017年申请民政署的“伙伴倡自强基金”，得到资助，遂设立现时的工场，制作午餐到会、曲奇、新推出的手作花茶，以及正在研发的蔬菜面。

现时工场有4位长期员工，年龄介乎19至22岁，每年亦会定时聘请实习生，根据他们的性格和能力分配工作。“冇咁叻嘅，就教佢清洁、洗碗、去银行入数；细心啲嘅，就帮手整花茶。”她们指，会不时与员工及实习生的妈妈沟通。“妈妈亲眼见过佢哋工作，信任我哋，都好放心。嚟我哋度嘅小朋友都唔系太差，至少沟通到，做到嘢，但有时可能情绪管理唔太好，就会同佢屋企人倾吓，一齐合作帮助佢哋。”

就业常遇困难

Daisy坦言，开设工场的最大目的，是希望可以培养孩子的自立能力。“自闭症小朋友比其他人更难去适应职场，有些社交规则我哋自然会知，识得遵守，但喺佢哋眼中系冇呢啲规矩，只遵从自己内心去做事，所以好多人话自闭症孩子揾份工好容易，但做得耐系好难，做得多过3个月已经好少，就系因为佢哋太自我。雇主唔明白佢哋，工作做唔长，挫折感又会愈来愈大，就会收埋自己。”

Jo补充：“返工要有规矩，要准时、听老板话，呢啲嘢对佢哋嚟讲系好难，因为佢哋好有自己主见。要解释俾佢哋听，如果唔满意，你可以提出意见，但最后决定一定系跟老板。”她们坦言，不希望孩子于工场“长做”，反而是学习应有的工作态度，投身社会前装备好自己。“唔系希望佢永远留喺度，而系等佢哋唔好咁惊先。”他们观察到，孩子经过一段时间的磨练，可见明显进步。“佢哋开始理解人哋感受，自信心、与人相处方面，能力都高咗好多，都好安慰。”

寄语家长要放手

Daisy分享，孩子3岁时确诊自闭症。“入咗幼稚园，知道佢同其他小朋友唔一样，接受评估就知道有自闭症。知道自闭症原来冇得医嘅，好痛苦，好似天塌下来一样，担心佢将来唔识照顾自己。后来明白唔可以成世唔开心，就睇有咩方法帮助佢将来自立。唔会追求读书要几叻，对佢哋嚟讲系唔实际。父母唔喺身边，佢都可以生存落去，就系我最大嘅希望。”Jo表示认同：“自理、独立能力对佢哋嚟讲系最重要，我哋死咗，佢都要自己照顾自己。”

Jo续指，很多人对自闭症孩子有误解。“好多人觉得自闭症读书好叻㗎㖞，但其实系万中无一。70%系有限智能或弱智，30%智能正常，可能有一个叫叻啲，但喺社交上都有困难。”Daisy亦指，家长对他们过分的要求，可能会影响孩子的自我形象。“随住佢哋长大，其实都知自己有呢个病，如果你要求佢更叻，佢做唔到，就会自卑。”

她们认为，不少SEN家长的通病，是“把孩子照顾得太好”。Daisy分享，家长应多放手，让他们尝试，并花多点时间陪伴。“好多时觉得佢哋能力冇其他小朋友咁好，就尽量做多啲、帮多啲，对佢哋都唔系一件好事。尽量等佢哋自己尝试解决，做错唔紧要，以身作则，即时纠正。”Jo亦寄语：“唔好放弃希望，要坚持，相信佢哋会进步。”