【SEN】教自闭儿童芭蕾舞　钟老师：自己嘅得著比学生更多

教导SEN（特殊教育需要）的学生从来也并非易事，老师往往也需要花更多的耐性和心机去照顾他们。回想起以往在加拿大教导自闭症学童跳舞的经历，钟秉瑜老师形容那是一个很特别的经验，“教（自闭症儿童）系辛苦，但首先唔好谂要教佢啲咩，反而要了解佢哋需要啲咩。”她又认为自己能从中学会尊重每个生命，“我觉得佢哋俾我嘅嘢多过我俾佢哋，每个生命其实都好可贵。”（图片由南区妇女会芭蕾舞团提供）

钟老师已执教芭蕾舞超过四十年，也是南区妇女会芭蕾舞团的创会导师。在机缘巧合下，她曾在加拿大专为自闭症学童的舞蹈学校中任教，“接触咗一位朋友，佢开咗间自闭症嘅舞蹈学校。佢当时惊冇人愿意教，因为好多人都觉得自闭症儿童好麻烦，又唔听话。但当时其实我都唔识教，只系谂住做几个月义工，睇下可唔可以去同佢地去建立一啲关系。”

钟老师当时只负责教自闭症儿童跳舞，带他们去认识自己的身体，并且训练节奏感和平衡力。她依稀记得第一次上堂时不懂得与他们相处时的无助感，“当时我准备咗好多方案，结果冇个work，即使事前做咗research。你想佢乖乖地留喺课室，但佢只系想走出去。”

“记得有个学生佢好想出课室，佢好聪明，竟然直接喺课室小便。”钟老师笑道，“当时互相都角力咗好耐，但佢都咁样喇点可以唔俾佢出课室？”虽然教学的确辛苦，但她觉得自己得著很多，甚至觉得学生给予她的东西比自己所教的更多。“通常老师都觉得自己比学生厉害，要教佢哋知识，但接触咗自闭症小朋友后，我明白要先进入佢哋嘅世界，要虚心、要尊重佢哋。”

即使教导自闭症儿童要付出更多耐性，但钟老师认为每个活著的生命都十分可爱，特殊小朋友亦比较真性情，“同佢哋相处过你会发觉佢哋好有感情，好钟意你记得佢哋嘅嘢，例如你应承过会奖励佢哋食薯片，你记得，佢哋会开心、会听话。”

说到与自闭儿童的相处技巧，钟老师认为是因人而异。“每个小朋友嘅需要都唔同，例如有一个小朋友系钟意长期瞓地下，佢身型系比较肥，我又拉唔起佢。所以我同佢一齐瞓地下，佢又觉得咁样好有趣，于是我同佢亲近咗，慢慢了解到佢点解喜欢钟意瞓地下，走入咗佢嘅内心世界。”

但钟老师认为最重要的是拥有一个谦卑的心，才能和自闭儿童好好相处。“做大人、老师经常想小朋友要咁样，要小朋友点样，但其实佢哋嘅世界并唔系咁，要耐心咁了解佢地内心嘅需要，你想佢咁但佢未必想咁。”

此外，钟老师也提到学习芭蕾舞是一个很好的途径来训练小朋友的专注力，“呢个并唔系芭蕾舞独有，但舞蹈系一种身体语言，佢可以带小朋友发现更多自己嘅身体、身体与空间嘅关系。好似要由呢到行到去𠮶到，佢可以行，可以碌，又可以跨，其实系有很多可行性。”她又形容舞蹈是“活”，令容易怕闷的小朋友容易专注。

而作为南区妇女会芭蕾舞团创会导师的钟老师，将会在9月30日带领小朋友和青少年在“南区．音乐动感综艺晚会”中表演“活泼水手舞”，而舞剧中所有的舞步也由南区妇女会的舞蹈老师原创及自编。与一般古典的芭蕾舞不同，在这次表演中小朋友将会穿上水手服，活泼开心地展现舞姿。