第89届奥斯卡颁奖典礼曲终人散，系你嘅始终系你，唔系你嘅，就算上到台都一样可以唔系你。相比台上摆的乌龙，台下红毯上的“时装车祸”同样为人津津乐道，例如……
Ruth Negga︰可谓lace和sheer的epic fail，将其扁平的身材表露无遗；加上令人大失所望的眼妆和老气头饰，十足中国僵尸新娘一样，艳丽不足、恐怖有余。（Getty Images） Leslie Mann︰难得在没有童话的年代，Leslie Mann依然相信美女与野兽的故事。想cos Belle却有心无力，披头散发令人觉得累赘之余，更令total look显得扁平，在荷里活捞有咩咁攰？难道刚在家试完衫就赶到会场？（Getty Images） Janelle Monáe︰裙摆太大、太busy，加上双手执裙的动作，令Janelle Monáe变得像纱罩一样，点睇你都唔似隔夜饭吧？加埋颈部的choker太heavy，即刻变身成音乐盒上的窒息公仔，吃力不讨好。（Getty Images） Scarlett Johansson︰女神也有失手时，Scarlett Johansson的导弹身材被埋没了之余，以重身rock belt配衬轻纱，九唔搭八，rock belt仙子系咩玩法？（Getty Images） Dakota Johnson︰额高就唔好梳起，唔讲仲以为系刚刚夹起头发洗完脸。性感尤物忽然变成穿着metallic apron的皇太后，老积、冇品味，分分钟成为格雷的第51道阴影。（Getty Images） Mica Levi︰作曲家Mica Levi一向喜欢作中性打扮，但着行山鞋行上红地毡，系有心、定无意？外套太长，长裤又太baggy，加上tone on tone的行山鞋，眼见已经矮咗20cm，你要咁casual地impress我系你嘅事，但我就睇到好戥你心惊啰。（Getty Images）