《吃货神探》李敏豪专访Regen赞佢跳舞叻　因ＯＯ同Apink娜恩熟？

韩国演员李敏豪今次嚟香港就为电影《吃货神探之猎兽行动首部曲》做宣传，当时其实发生咗啲小插曲，但就完全冇影响到李敏豪做访问，完全显露佢嘅专业！承接住李敏豪同《香港01》韩迷频道嘅访问，讲到佢喺《吃货神探之猎兽行动首部曲》嘅感受、当中更讲到有关HotCha前成员Regen张惠雅以及韩国女团Apink成员娜恩添㗎！

摄影：龚嘉盛　场地提供：the sky cinema

话说李敏豪今次特登为咗《小吃货神探之猎兽行动首部曲》片尾曲拍咗个MV，除咗要唱歌同rap之余，仲要跳埋舞。韩剧迷同粉丝都应该知道，李敏豪本身唔系歌手出身，加上唔够时间练习，因而觉得几辛苦，仲明白到做Kpop歌手真系好劲，相比起来演戏仲易少少啊！

其实李敏豪除咗喺MV内要跳舞，原来喺《小吃货神探之猎兽行动首部曲》戏入面都一样要跳舞，仲要同HotCha前成员Regen张惠雅有合作，访问期间李敏豪就话喺戏入面同Regen一齐跳舞嘅部份，都系Regen亲自教佢，而喺电影开拍前就揾时间去studio学跳舞。Regen接受《香港01》访问时就讲到：“李敏豪喺跳舞个阵非常之快上手一教就识，反而系我自己吓亲！因为佢本身应该系唔识跳舞，但就好有跳舞嘅细胞。同埋我哋喺沟通上就冇咩问题，都系跟吓动作，因为佢都识识哋普通话，觉得佢好犀利！另外，都知道佢系童星，我都有即刻search睇吓自己有冇睇过佢拍嘅剧，原来我细细个真系有睇过佢有份拍嘅剧《屋塔房王世子》（又译：阁楼王世子），就觉得好surprise可以见返睇过嘅剧入面嘅韩星！”

另外，李敏豪今年其实仲有一套电影《女哭声》会上映，呢套戏系一套翻拍自1986年嘅同名电影，由Apink成员孙娜恩和接替高贤廷一角出演电视剧《Return》嘅朴真熙担任主演。而李敏豪喺《女哭声》入面就会同Apink孙娜恩有对手戏，讲到今次拍电影终于同返韩国人合作，李敏豪就表示：“当然同返韩国人合作可以进行多啲对话，会更容易沟通，但反而令我觉得就算言语、民族唔同，其实大家都会有同感，都可以沟通。今次同香港、中国嘅演员合作，透过心、眼神同埋身体去沟通都系一件令我好感动嘅事！”

李敏豪接受访问时表示刚刚先完成《女哭声》嘅拍摄，而娜恩都系一边拍摄，一边准备Apink演唱会因而非常辛苦，所以当时都有去Apink演唱会支持娜恩，平时亦有保持联络同互相支持。希望睇完《小吃货神探之猎兽行动首部曲》之后，都可以快啲睇到李敏豪同Apink娜恩喺《女哭声》嘅演出啦！

李敏豪 吃货神探 EATER & DETECTIVE MV 电影片尾曲

《吃货神探之猎兽行动》李敏豪贴地爱香港柠茶　同河智苑似亲姊弟

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/