《吃货神探之猎兽行动》李敏豪贴地爱香港柠茶　同河智苑似亲姊弟

韩国男演员李敏豪以童星出身，拍过《顺风妇产科》、《成均馆绯闻》、《拥抱太阳的月亮》、《屋塔房王世子》等著名韩剧。而最近李敏豪就拍咗《医疗船》，剧内饰演河智苑细佬，之后佢就落力发展电影事业，拍过《The bittersweet》（小马.弗洛伊德）。上星期李敏豪再度嚟香港宣传电影《吃货神探之猎兽行动首部曲》，除咗全程要以普通话讲对白外，更要唱歌、又要rap、又要跳舞、仲有打戏，好在一啲都难唔倒李敏豪！

摄影：龚嘉盛　场地提供：the sky cinema

其实有follow开李敏豪个人Instagram嘅粉丝就会知道李敏豪成日都上传喺香港影嘅相，佢表示自己其实嚟过香港超过10次！今次就因为拍摄嘅关系，只系可以进行有关电影拍摄嘅工作，冇得四周围去玩，但反而就可以更集中喺电影拍摄上。而《吃货神探之猎兽行动首部曲》系一套围绕住香港茶餐厅文化嘅电影，问到李敏豪有几认识香港茶餐厅时？李敏豪就表示：“其实我本来唔识㗎！不过就透过今次拍摄认识更多，知道系本地人常去嘅餐厅。而我最钟意嘅就系柠茶、菠萝油、上汤鸡丝汤面、点心等。”其实李敏豪喺讲柠茶同菠萝油个阵仲系用广东话㗎！即时觉得李敏豪好贴地同香港fans好亲近啊！

李敏豪早前拍摄中国电影《小马.弗洛伊德》时，都有揾老师学习普通话更唱埋OST，而对于今次拍摄《小吃货神探之猎兽行动》全程都要讲普通话对白，佢就话有咗上次经验，今次拍摄比较顺利。不过最大难处都在于普通话，其实背咗对白再讲出嚟唔难，系难在唔清楚喺咩位要加入个人感情。好在拍多咗中国电影开始慢慢习惯，反而觉得好有趣慢慢上手。

李敏豪喺访问中提及自己都钟意拍打戏，平时钟意做运动，所以拍打戏对佢嚟讲并无太大负担！李敏豪最近喺电视剧同电影方面同步发展应该会好忙，问到李敏豪私底下点样放松时，佢就表示：“平时都系靠做运动解压，自己钟意同朋友出去踢波。”唔知粉丝们有冇机会喺足球场上偶遇李敏豪呢？

更多李敏豪访问照片

喺访问开头都有提及早前李敏豪喺韩剧《医疗船》中饰演河智苑细佬，而系现实生活中，河智苑早前真的不幸失去亲细佬田汰遂！问到李敏豪有冇揾过河智苑，李敏豪就话：“其实我有亲身去到现场，而河智苑细佬田汰遂更有同我一齐拍过电视剧，我都好伤心，都有安慰河智苑，佢都有话多谢我嚟，真系好似佢细佬咁好疼锡我！”李敏豪同河智苑私下都有继续联络，希望河智苑可以尽快走出阴霾，两人可以好似亲姐弟咁一直相处。

李敏豪拍完《小马.弗洛伊德》想试异国恋　范冰冰、朱璇好难拣？

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/