[成勋专访]孖少女时代Yuri拍心里的声音　想做吻戏匠人定肩膊流氓

承接返上一个《香港01》韩迷频道同《焦急的罗曼史》主演成勋做嘅访问，下半部就同成勋倾到佢比较私底下一面！话说成勋喺《焦急的罗曼史》中，有一幕就讲到成勋喺屋企煎牛扒畀Secret宋枝恩食，问返成勋如果喺现实中嘅话，会带女朋友去餐厅食饭定返屋企亲自下厨煮爱心餐时，暖男又听话嘅成勋就表示：“只要系女朋友想嘅话就会听佢讲，女朋友话出去食就出去食，女朋友话想喺屋企食就煮畀佢食！”成勋真系好sweet又好锡女朋友啊！其后成勋再表示自己最叻就系炒饭，西式料理就唔太擅长，所以未来女朋友如果想食成勋整嘅西餐就可能要多啲包容喇！

摄影：陈顺祯　鸣谢：上水广场

讲到成勋未来女朋友，又点可以唔问成勋嘅理想型系点呢？当时成勋谂咗一阵，先话：“如果外形嚟讲，我比较钟意可爱啲嘅，希望佢会有多啲嗜好，例如识得打机，可以同我一齐玩，一齐分享唔同嘅兴趣！”想成为成勋嘅女朋友就要由今日开始学打机，培养多啲嗜好喇！

另外，提到成勋有“吻戏匠人”之称时，佢都好谦虚咁回应：“其实都系虚衔嚟，因为导演拍得好，画面影出嚟靓，所以先会令大家咁觉得。”明眼嘅韩剧迷，当然知道其实系成勋做得好啦！嚟紧成勋仲会出演综艺节目《心里的声音2》，今次佢就会做李光洙之前所饰演嘅赵石一角，仲会同少女时代成员Yuri（饰演爱凤）有对手戏添！《心里的声音2》今年就会播出，SONE（少女时代粉丝）同成勋嘅粉丝记得要支持啊！

成勋除咗有“吻戏匠人”之称之外，佢个膊头都好出名㗎，仲有“肩膊流氓”嘅称号添！正当记者想向成勋借镜，学吓点样先可以做好身材管理时？成勋竟然回答：“我冇管理㖞！成个星期都唔会做运动，有行程嘅话前一日就会匿埋喺屋企咩都唔做！”即时令记者一个头两个大，究竟点样可以唔做管理，都有咁好嘅身材呢？

最后问到成勋究竟几时先会嚟香港开粉丝见面会？真正同粉丝见面、沟通、玩吓游戏咁？成勋就表示：“其实一开始我以为今次倒数系个人活动，不过可以同香港粉丝见面都已经好开心！嚟紧当然会想再嚟开粉丝见面会，不过就要公司方面商量好先得，希望大家再耐心等吓！”成勋真系有计划嚟香港同大家见面㗎！再畀啲耐性等一多成勋一等啦！

【成勋专访】圣诞节病住孤单过　《焦急的罗曼史》后有揾宋枝恩？

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/