一线搜查｜钟慧冰爱女林静莉抗拒同妈咪比较：我好唔钟意
撰文： 吴子生
出版：更新：
钟慧冰爱女林静莉（Jeannie）日前（24/3）现身荃湾出席HOY TV王牌节目《一线搜查》宣传造势活动。Jeannie在接受《香港01》访问时直言加入《一线搜查》做主持人后，令她大开眼界：“我哋好多时候都要出外景采访，要接触唔同阶层嘅人，透过采访佢哋，令我有好大感受。就好似之前我去采访一对老人家，其中有位系七十几岁嘅婆婆，佢要照顾佢九十几岁嘅妈妈，依然不离不弃，尽显亲情可贵，令到我好大感触。”
Jeannie续说：“因为始终我都系喺温室长大嘅小花，由细到大都冇咩经历过，到我自己去接触社区，就会发觉自己原来好幸福，就系因为咁我发觉自己成熟咗。仲要对我阿妈孝顺咗，因为之前我系要搞到自己好忙，两个星期先见佢，但而家我系迫自己要一星期要见佢几次，同埋一定要同妈咪倾偈，因为亲情都好紧要。”
对于要背负钟慧冰女儿之名，Jeannie直言从前很抗拒：“因为我好介意人哋将我同妈咪嚟比较，例如啲人睇完我嘅工作表现，然之后就同我讲：‘你妈咪以前做得好好，不如返去同妈咪学习’，我就会谂点解要将我同佢比较呢，呢样我系好唔钟意，令到我直头唔想俾人知我系钟慧冰个女，但好无奈其实身边做嘢嘅人都系知，咁我唯有欣然接受佢。不过而家我就冇呢种谂法，反而我觉得系一个优势，啲人知我系佢个女之后，啲人系会对我有印象，系一件好事嚟。”