3D肉蒲团｜39岁雷凯欣惊喜现身 自爆同囝囝一齐冲凉：佢反应哗哗
撰文： 吴子生
出版：更新：
久未露面前港产艳星人妈雷凯欣今晚（22/3）现身中环出席活动。雷凯欣受访时表示：“其实我系好少出街，加上疫情，我真系好耐冇见朋友，所以就出来见大家。（咁耐冇见传媒习唔习惯？）我都Ok，都仲习惯，冇唔记得大家。（婚后系咪冇工作？）冇啦，因为我都冇请姐姐，我而家系全职妈咪，变咗好多嘢都要一手一脚做晒啲嘢，又要做家务，又要凑仔返学放学，连我啲朋友都话我好似俾人做多48小时。”
被问到老公是否赞成她复出拍戏？凯欣表示：“拍戏我哋就冇乜倾，我哋都好随缘，佢冇乜规限我嘅。（你想唔想出返嚟拍戏？）如果有好好嘅角色我都可以嘅。（尺度上应该冇之前咁阔？）都会。因为我个仔都唔想我性感，反而系我个仔会规限我。（佢点讲？）就好似我着露脐装，佢就要拉住我件衫遮住，因为佢话佢系我嘅男朋友。（囝囝有冇睇过你啲作品？）我有畀过佢睇，但佢都好似唔系好信咁。（你有冇畀啲好性感嘅作品畀佢睇，睇吓佢有咩反应 ？）佢会好惊喜嘅，就好似我同佢冲凉嘅时候，佢会大叫哇，哇哇，佢啲反应系好好笑嘅，佢好有演艺派。（囝囝嘅反应系咪等同于观众睇你嘅时候反应一样！）可能佢夸张啲，哈哈！”