无线发裁员通知Cut外判工作 黎诺懿未惊过：我系内判

黎诺懿今日（24/12）现身薄扶林出席第七届国际名厨慈善宴。提到电视广播 (00511) 发盈警，行政主席许涛在3月24日向员工发内部通告，公司决定进行成本及资源管理优化方 案，目标是节省2.6亿港元的年度营运现金支出，在人力资源上约 有5%的员工将涉及遣散。

黎诺懿就事件接受《香港01》访问时说：“我都系睇到相关新闻先知道，始终我哋都系一间上市公司，都系要同股东去交代，系无可能无止境咁样蚀钱，咁可能公司先采取精简人手嘅方案。我想讲毕竟呢3年来受疫情冲击，令到我哋成个行业都萧条，但唔紧要，有危就有机，咁所以我就总觉得系有啲事会发生。（外判受到影响，你怕唔怕自己监制嘅节目都受影响？）你放心，我系内判嘅，大家成日以为我外判，其实我系公司人嚟嘅。不过我就觉得唔系外判同内判嘅问题，最紧要系个质素，因为而家观众系好聪明，变咗钱唔系主因，反而系意念系好紧要。（你手头上有2个要监制嘅节目，制作费有上限？）有嘅，虽然公司话要悭，但我系要一定做得到啰，但如果做唔到系会影响质素嘅。（公司要减你骚钱？）咁大家就唔做谂，唔好谂呀！”