专访《大殉情‧死都要唱》主创团队：2025年“再生”的意义｜何故
《大殉情》是香港专业无伴奏合唱剧团“一舖清唱”的经典剧作，在“新视野艺术节2014”首演即获得空前成功，2016年于台湾、香港、汕头巡演后，勇夺第26届香港舞台剧奖“最佳原创曲词”、“最佳音响设计”及“年度优秀制作”三个大奖。2025年6月，第三度公演，加上副题“死都要唱”，令人充满期待。
原题：探讨《大殉情》在2025年“再生”的特别意义 ──专访《大殉情‧死都要唱》主创团队：伍宇烈、高世章、岑伟宗、卢宜均
《大殉情‧死都要唱》在前作的基础上加入崭新元素，是一出时空交错的合唱剧场，融合无伴奏合唱音乐、影像及戏曲的划时代优秀剧场作品。由一场关于殉情的选秀节目开始，以无伴奏合唱独特的表演形式，全新演绎粤剧《帝女花》和《梁祝》、西方的《罗密欧与茱丽叶》和《蝴蝶夫人》、以及香港的《胭脂扣》等剧作，配合丰富的形体及舞台效果，交织出一个跨越时空的爱情故事。
《大殉情‧死都要唱》演出在即，趁机会相约四位灵魂人物一聚，除了负责编剧和作词的老朋友岑伟宗（岑爷），还有今次终于是“导演”的伍宇烈（Yuri）、包办意念、作曲、音乐总监和编曲的高世章（Leon），以及不再只是演出者，身兼编曲和合唱指导的卢宜均（Anna）。
“我哋想揾一啲题材，系揸mic可以成立嘅，咁呢个就系最好喇，歌唱比赛。”Yuri透露了《大殉情》的创作缘起，我们的讨论由Yuri为是次重演特别加入的“Sustainable Theatre”概念开始……
“我经历咗喺CCDC（城市当代舞蹈团）几年，好多嘢，因为唔重演一个show，就留喺个仓里面，况且依家冇咗个仓，好多嘢就‘永不超生’。”
Yuri说很多旧服饰的设计很好，品质也很高，比现时的“淘宝货”更有质素，Yuri让它们“再生”，就像配合剧情让它们“投胎”，给它们一个“second chance”。Yuri举了一个例子，“高世章先生非常希望‘蝴蝶夫人’著和服，但我哋点可能afford得到呢𠮶阵时？但系我竟然喺执仓时执到一件和服返嚟，如果我哋某一日重演《大殉情》，呢件和服就啱晒！所以死都攞咗先，今天我哋终于有机会等到呢件衫‘投胎’喇！”
然而，Yuri的“Sustainable Theatre”概念，并非只是重用现有的衣服和道具那么简单，而是“重新改头换面，包装过佢…要啱颜色，啱角色，啱size，啱𠮶个场景嘅需要。”所以，这个“永续”和“再生”的概念，并不是为了节省金钱，反过来这是非常“time consuming”和“人力 consuming”，Yuri是以“半个designer”的角度来思考如何选取这些旧物，某程度上，也可算是另一种“二次创作”。
翻查资料，《大殉情》的初演及重演，都是没有“导演”，Yuri的岗位名称分别是“舞台/形体指导及设计”和“舞台及美术指导”，今次第三次公演，Yuri终于是“导演”了，问他原因，“因为我想要一个副导演”，Yuri解释他是在define不同的岗位，“我哋谂过叫‘助理导演’定‘副导演’？我哋define紧呢样嘢嘅时候，‘副导演’可以有多啲input，‘助理导演’就只系assist个导演，执行一啲嘢嘅，呢个人（严颕欣Fiona）同‘一舖清唱’都曾经合作过，亦都可能透过咁样再合作，建立一个关系，所以叫‘副导演’啦！”
问Yuri《大殉情》对他的意义，他这样回答：“十年人事几番新，可以睇吓我哋去咗边度？而呢个新场地（由高山剧场转到葵青剧院），re-think呢个show，其实有乜嘢意义喺度？对今时今日嘅人嚟讲，讲咁多‘离去’，有几多可以‘重头嚟过’？都几系一个合时宜嘅topic。”
《大殉情》对于Leon的意义，“我觉得系‘second chance’，摆喺乜嘢时代都好，都系有意思。”Yuri补充，《大殉情》是“universal”和“timeless”。
《大殉情》是岑爷跟Leon再次合作的作品，“我系竟然够胆死，应承佢写剧本，一四年，Leon同伍宇烈揾我，话要写一个作品嘅时候，得半张A4纸嘅idea内容，我望住都呆咗，但系又唔敢话‘我惊唔掂’，咁咪顶硬上啰！因为两个都系老友，仲有一个系要求咁高，当时系有啲惊嘅，但系我最后系克服咗，谂到啲方法去解决，觉得自己过咗一关，我自己都成长咗。我当时好耐冇写歌词以外嘅故仔，可以话系‘重拾旧欢’啊！”
《大殉情》是Anna“第一个参与台上演出嘅作品”，“呢个系一个对我嚟讲好紧要嘅show”，而且“呢个一个咁好嘅show，一个咁受公认，而我自己又咁喜欢嘅show”，所以对她“好有意义”。
Yuri说他“睇返呢个剧本，睇到唔同嘅嘢”后，岑爷突然有感而发，分享了他一直以来的疑问：“系唔系每一次重演都要同上一次唔同？”。
“套戏如果系好嘅，呢个重演，就等于再演一次俾你睇…一个作品系会成长，包括创作嘅人，每一个阶段佢有唔同嘅谂法，喺呢个成长过程，作品会有唔同嘅refine，而创作嘅人同观众，会唔会睇到唔同嘅嘢呢？会唔会睇到一啲新嘅嘢呢？我觉得呢个先至系睇show嘅意义。”
Yuri继续说他“再睇剧本，十年前冇睇到呢啲嘢”，例如“屈原呢个character，我哋斟酌紧佢系唔系比之前更重要？”岑爷简单的说：“十年前，我哋只系要完成高生一个big idea：一个歌唱比赛，及已拣好出来嘅各个殉情故事，但之后我发觉呢个show收唔到尾㖞！因为我可以做100个殉情故事都得㗎㖞！咁点完呢个show呢？我就忽发奇想，等主持人屈原去完呢个show。但系，呢一个咁嘅结构同内容，有冇办法可以组织得‘有机’一啲呢？”
岑爷再补充，Yuri发觉上次“屈原”这个角色缺乏了“戏剧动机”，岑爷说这是Yuri令这个剧“精准”了的地方。“如果我哋要讲戏剧性质，上次演出就系‘一舖清唱’嘅歌唱表演，依家呢个屈原嘅戏剧动机强烈得多，最后点解佢会自己举起手出嚟话‘我先至系最惨𠮶个！’”Yuri突然打岔“佢冇用‘惨’呢个字”，岑爷立即修正“佢先至系最值得你哋睇到𠮶个”，这个角色“由开始到达到这个戏剧行动嘅过程，系有铺排嘅”，岑爷赞赏导演组为《大殉情》“赋予咗一个有戏剧意义嘅生命”。
Leon补充，他在一开始便已把“屈原”这个角色放进大桥中，不过至于他的比重，则完全交由岑爷去处理，而按照Yuri的说法，今次的“屈原”是具有戏剧功能的，Yuri强调这次“形式系几天马行空嘅，希望刺激到观众多用想像力去睇呢个演出”，而在舞台方面，Yuri说“每一个都系Spectacle（岑爷从旁解释是“奇观”），为要fulfil高先生嘅想像。每一个couple出嚟，带晒成队人出嚟，每一场，都系一个scene，都系好劲！”。
Yuri说“要fulfil高先生嘅想像”，问Leon如何用音乐去诉说这个从他而来的故事，“我通常都冇乜特别要放我自己嘅嘢落去，因为我本著一个宗旨：我系serve角色。我自己要讲嘅嘢，我有好多方法可以讲，但系个角色要表达啲乜嘢呢？就唔系一定要跟我自己嘅谂法。”Leon认为他可以投入到不同角色，故此，大家看见的不是“高世章”，而是“梁山伯”、“祝英台”、“罗密欧”、“茱丽叶”、“蝴蝶夫人”等人，配合不同歌曲的殉情故事。
Leon为了是次重演，因为版权问题，重写了其中三首歌曲，而因为这是一个综艺节目形式的歌唱比赛，设有广告时段，当中的广告歌曲，既要避开版权问题，又要辨识度高，实在不容易，而Leon有两首歌曲是特别喜欢，分别是〈风中的孤燕〉和〈屈清屈楚〉，“我中间有时会唔记得咗佢哋，因为有其他show去做嘅时候，就会投入咗去𠮶啲度！但系每当我攞返出嚟，再重温，睇返呢啲歌，就会即刻返入去，亦都即刻想起写嘅时候系点解谂出嚟，我自己会跟住唱，去到有啲位我会不断loop……”大家敬请留意。
Anna在初演和重演时是演员，也是编曲之一，今次“死都要唱”再加上更重要的岗位：合唱指导，继续问Leon今次跟Anna的合作有什么新火花？“由当年嘅‘新拍档’，去到今日，当中经过好多个show，其实已经系‘旧拍档’，非常之有默契，我亦非常之放心将所有嘢交俾佢。佢依家系‘一舖清唱’嘅联合艺术总监，佢对无伴奏合唱嘅道行，一定比我高！所以我好靠Anna。”
Anna被Leon如此倚重，问她如何处理这次重演，以及有何期望，她说“我有一个定位，唔应该全部用新人，因为呢个系比较成熟嘅show，但我哋今次都有一啲年轻少少，或者系Green少少嘅演员侵咗落去，我自己系比较好奇出嚟效果，即系所谓有一班‘一舖清唱’嘅老臣子，配一班比较新少少嘅，喺一个咁成熟嘅show嘅环境下会系点呢？”
“虽然十年前做过，但系，A Cappella系一件事，A Cappella Theatre就系另一件事。喺呢十年，A Cappella Theatre其实唔系推进咗好多。我希望我哋出嚟嘅𠮶样嘢，系更smooth，更成熟。”
Leon希望今次可以开拓新的观众群，因为在香港搞show，演出时间实在太短，可以看到的观众真的很少，每次重演都希望可以接触更多观众。“未睇过嘅，就当新戏嚟睇啦！睇过嘅，钟意嘅就再嚟睇。”
Anna多次提及“成熟”，对比岑爷的“精进”，都是这个show的关键词。Leon透露其实在2018年已经有机会重演，却因为种种原因而未能成事，或许，这就是更“成熟”、更“精进”的《大殉情‧死都要唱》在2025年“再生”的意义了。
（专栏“何故火锅馆”每星期刊出，标题由编辑撰写。本文不代表艺文格物立场。）
作者简介︱何故，内向、忧郁而文静的作家，已推出超过 20 本小说。从电影和打边炉领悟人生道理。
更多艺文评论文章，可参看作者Facebook