初度游｜港男Tony爆喊之谜 历家中巨变：有啲人20几年都一帆风顺
撰文： 邝钰莹
出版：更新：
ViuTV《初度游》30岁港男Tony因为喺日本青年旅舍崩溃喊爆，而引起不少网民讨论。昨晚节目播出最后一集，呢位被网民形容为被宠坏的小baby嘅港男，喺前往奈良期间，就向工作人员解释点解自己喊得咁凄凉。他指因为爸爸过世后，身为长子嘅佢突然要负起养家嘅责任，所以十分抗拒巨变。“有啲人20几年都系一帆风顺，我应该都系安安稳稳到3、40岁先会发生嘢，但估唔到咁快。20几年前喺我脑囟未生埋时发生，我真系接受唔到巨变。就好似青年旅舍咁，我可以话系一种巨变，因为我用香港城市角度代入，老实讲一场巨变令我无咩安全感。”
Tony又认为自己去完日本返到香港都系要面对好多嘢，所以难以做到所谓嘅放下，但亦都尽量做到活在当下。Tony又谓甚少向人讲出心底话，主要系担心别人嘅眼光，他更以“自卑”形容自己，又话身边朋友都结婚有家庭，但自己至今仍然咩都无，睇嚟Tony嘅心病都几严重。
节目尾声，工作人员安排Tony去到大阪屋企做沙发客，佢都好有心咁买咗八达通、Tempo纸巾、东铁lego作为手信，期间，Tony亦好努力咁用英文同对方沟通。不过，喺整章鱼烧时，Tony竟然连鸡蛋都唔识打，仲透露平时好少煮嘢食，唔知系因为屋企人照顾得太周到、定平日工作忙到连煮饭嘅时间都无呢？
+11
点撃重温Tony第一集爆喊情况：
+21