初度游｜30岁港男首次去旅行　住青年旅舍崩溃爆喊：周围好冷漠

ViuTV嘅《初度游》揾嚟三位男素人献出佢哋嘅第一次旅行。节目第一位素人系70岁嘅洪叔，唔识英文嘅佢为见家姐，只身勇闯英国，唔少网民睇完之后都大赞节目有质素；昨晚播出一集，主人翁系30岁、任职中学助教嘅Tony，首次游日嘅佢，叹过鱼生、去过女仆cafe、采耳店享受日本妹嘅温柔，唔少网民都笑佢毒得很。节目组眼见Tony非常甚为享受日本传统民宿，于是帮佢订一晚青年旅舍，好让佢有另一番感受，点知Tony 完成Check in入房后，发现只得“床位”时，竟然情绪崩溃喊咗出嚟！“点解同我住𠮶啲传统民宿唔同？觉得自己好凄凉，第一次去旅行……周围真系好冷漠，我好担心自己嘅安全，因为唔知会遇到咩人”

以“衰过㓥房”比喻青年旅舍嘅Tony愈喊愈崩溃，仲话唔明青年旅舍里面嘅人，个个都只系瞓觉，唔愿同佢沟通，令佢十分难受同感到危险……“同我谂嘅民宿唔同，你当我低能，好老实咁讲，我好渺小，我只不过系灰尘……”Tony嘅言论，引嚟不少网民讨论，指佢仲衰过港女。

其实Tony喺节目中，不时提到自己喺网上去旅行，但佢似乎唔多明白何谓现实与理想，就好似上一集佢去到岚山竹林小径后，发现人头涌涌，即时表现得十分不满，并谓“我上网睇相系无人架嘛，而家咁我点感受竹林嘅宁静”；另外，最令网民笑爆嘅系Tony去品尝人气爆灯嘅“空气梳乎厘”时，竟然以为牛油系雪糕，睇都睇就放入口……难怪节目旁白会话Tony为大家带来好多欢乐。

即睇Tony无数个第一次