初度游｜港男爆喊原来有故事 最靓监制周雅霏：佢担心影响节目
撰文： 邝钰莹
出版：更新：
ViuTV嘅《初度游》揾嚟三位男素人献出佢哋嘅第一次旅行，无论系单亲家庭嘅阿枫、抑或年过70嘅洪叔都充满温情，唔少网民都大赞节目制作用心，直到最近一集嘅30岁港男Tony，于大板青年旅舍因感到凄凉同危险而崩溃喊爆，引发不少网民讨论，直指Tony系温室长大嘅小baby，行为丢架等等，负评如潮。
身为节目监制嘅周雅霏(Faye)，其实本身系一名旅游达人，由nowTV嘅《霏云闯荡》、到ViuTV嘅《阿美利坚有外星人》、《婚姻五重奏》都系其作品，周雅霏接受《香港01》访问时，对于Tony崩溃喊爆一事，她说：“因为佢住完京都民宿之后好想再住，所以先帮佢喺大板再book。拍𠮶阵因为地方浅窄，所以得摄影师跟上房，打算拍完收工，点知摄影师突然打比我话唔系好掂，叫我上去睇睇，坦白讲其实当下真系有少少嬲，但后来佢有讲返自己嘅故事，呢个下集会播。”
对于Tony引来网民批评，周雅霏表示有少少戥对方不值，希望下集节目出街后能为他平反。“自己都估唔到会有咁多负评，所以好担心佢会受到网络欺凌，但反而Tony同我讲，话睇到新闻、评论，希望无影响到节目。其实我都希望佢嘅第一次外游系开心，所以行程上都会俾啲意见佢。但或者系因为佢唔知京都同大板嘅民宿分别都可以好大，所以先会喊。”周雅霏笑言当初筹备节目时，都曾担心揾唔到“目标”，毕竟香港人热爱旅游，加上以素人做主角，连佢自己都担心会十分沉闷。她又指希望透过可令大家明白旅行并不一定是吃喝玩乐，就好似节目第一位主角阿枫，去的虽然只系越南，但因为与妈妈同行，所以充满了关爱。
同场加映：30岁港男Tony第一次
+21
再加映：Faye如何享受生活
+23