【你咪理，我爱你．专访】配音王后谢月美捞足50年：新人好难入行

60年代科技尚未成熟，大部分影视作品为了不浪费菲林，都不会现场收音，令配音员大有市场价值。人称May姐的谢月美67年加入丽的呼声，其后适逢无线开台，大量招揽人手，她转投无线配音组。“当时半个月出一次粮600元，对比喺外面打工先两百月薪系好好揾。”May姐当年一心想做演员，喺无线曾试过拍剧，奈何配音组不想失去她这个一打十的人才，于是下次禁止她做配音以外的工作。入行逾50年，眼看无线配音组近年频频被裁员，May姐感到可惜之余，亦深感配音行业式微。“以前半小时系280元，到2019年，得80元！当然可以有高啲价，视乎跟什么机构合作。因为依家好多人宁睇字幕，都唔睇配音，加上电视台为悭，一人多用，可能由五点半到八点半都系同一把声。呢行会没落，系因为畀钱嘅人睇唔起呢一行……”

愈做愈无瘾

May姐表示配音虽然可算是专业工种，但却愈来愈唔值钱，再加上近年不时电影公司起用明星为动画配音，令其生意愈来愈难做。“我都有试过闹啲行家，问佢做咩要顶烂市，佢话如果唔收平啲无饭开，咁我可以点？同埋你收得贵，啲人咪揾平啰，系好无瘾。”May姐早年曾移民美国，后来因地震震到心慌而带著三个仔女回港香港，重操故业之余，亦成立了录音室，但她表示早已将公司易手，偶尔技痒时才会献声，不过，话晒都系心血，点解咁易就放手？“无话舍唔舍得，好多时得个做字。以前好多人都叫我开班教配音，但我都无做，因为我废事啲人饿死，新人好难入行，因为NG就会用多咗时间，咁样变相录音室租金又会多啲。我而家喺演艺教又唔同，因为学生将来会喺工作上用到。”

由薯蛋头太太到麦太

入行50年，May姐为逾万套作品配音，她的宗旨是不能马虎，因为就算再过50年，仍然会听返自己把声。而她所配过的角色，除了《反斗奇兵》的薯蛋头太太、《怪兽大学》中的校长之外，本地原创卡通《麦兜》中麦太也要由May姐声演。配音是个十分幕后的工作，就算配到晓飞，观众都未必知道配音员的真正身份，问May姐可曾介意，她说：“好似麦太咁，拍成电影后由君如去配，我无hard feeling，因为幕后惯。”七十有一的May姐已处于半退休状态，偶尔做做舞台剧或客串电影，像王祖蓝的贺岁片《你咪理，我爱你！》。“配荷里活电影要揾啲识acting嘅人，因为识做戏把声先交到戏，𠮶时有人介绍王祖蓝，佢节奏好好、喜剧感又好好，但后来佢入咗TVB，就少咗合作，但都有联络。好似今次佢叫我帮手，我都一定会做，因为对佢好有信心。”