【过街英雄】黄翠如拍动作戏木碎入眼险盲：眼头两边都割开咗

无线剧集《过街英雄》一众演员今日（20/9）到将军澳电视广播城出席拜神仪式，祈求拍摄顺利，收视长红。森美、黄翠如在剧中饰演一对欢喜冤家，森美更因一次意外被翠如弄伤了耳朵，其后装置了一只有老鼠基因的耳朵，身体便有了特异功能，能够飞天遁地，有“鼠侠”之称。森美表示：“我眼耳口鼻，手脚都有特异功能，呢套剧喺有趣动作片，当中会有好多动作，要由特技人替身帮我做啦，有啲动作拍出嚟真喺好好睇，搞到我都想拍动作电影。”

前两日翠如因拍摄动作戏时意外受伤，有幸没有大碍。森美担心话：“有时我同翠如都会亲身上阵拍摄，佢都会整亲手，有一幕讲我用手挡张木櫈，点知啲木碎入咗佢只眼度，大家𠮶一刻都好惊，好彩冇事，你知啦一个咁靓嘅女仔，只眼伤咗好大件事嘛。”旁边翠如笑话：“我依家只左眼仲靓咗大咗，眼头两边都割开咗，下次要割埋右边先。”