张致恒内地一年拍4套电影做男一　被TVB睇中做“亲生仔”

《波士早晨》暂时做了7集，虽然来来去去都是办公室斗争，办公室此恋情。不过老套得来其实花甚为适合合家欢时段。3年前拍落的剧集，而家再播返，众人在这3年来其实也有不少变化。除了睇到外欢上的差别之外，更可以睇到不少近年鲜少在幕前出现在演员，其中一个就是张致恒。

张致恒接受《香港01》访问时，说到近来再次看到3年前的自己：“我觉得自己成个波咁样，好恐怖，系肥得好紧要。虽然宜家都唔系瘦，但至少瘦过𠮶阵时啰。拍剧𠮶时好似涨到污浮尸咁，见到都惊。(有冇咁严重？）有吖，你望返每一个镜头都会好嫌弃自己。”至于演技方面，张致恒说：“演技一定会比以前有进步，始终人生经验都多咗3年，所以我觉得啲点都会好过以前。”

张致恒内地闯出一片天　告别贫困日子：试过3年月入得2、3千蚊张致恒无悔曾经贪玩：好多谢以前嘅自己带嚟嘅教训，先有今日嘅我

张致恒谈及近况时，他说：“上一年2017年1月1日啱啱完咗英皇约，宜家系freelance嘅，嚟紧会去签TVB嘅management（经理人）。 啱啱完咗约嘅时候其实冇乜嘢做，其实有啲惊嘅。因为始终我17岁一签就签英皇，一直到宜家都未试过freelance去做嘢。开头真系好惊,但系去到3，4月嘅时候，就开始有内地嘅网剧揾我拍网大（网络大电影），所以就一直拍到宜家，暂时拍咗3,4部网大。（边几套？）有一套叫《捉妖大仙》，就系讲我入面系年青版燕赤霞，落山捉妖嘅情况。（男主角？）男一男二咁样。另外仲有一套啱啱云云南拍完嘅《卧底毒龙》。”张致恒更表示今年更有2部网络大电影排期拍摄。

说起来，虽然张致恒离开了工作15年的英皇，但总算是丰收的一年。不过张致恒表示在2018年年底就会加入TVB成为其中一份子。“近呢7-8年我都系喺TVB做嘢，其实我基本上都系拍TVB剧、做TVB节目主持多嘅，所以我一早已经当自己有半个人入咗TVB。”不过当初加入TVB的决定，原来来自于乐易玲（乐小姐）。“其实我都喺TVB做咗几年嘢，有一次食饭倾开，我差唔多完约，于是乐小姐就话，不如嚟TVB度一齐做啦。”不过TVB出名低人工，唔怕咩？张致恒说：“其实钱边度都有得揾，我都系想个根基打好啲先，多啲人睇我。钱系揾唔晒㗎嘛，我都想人气好啲。始终拍戏先系我目标。”啱嘅，TVB剧始终都系入屋啲，到时再作打算都唔迟啦。

访问的最后，说回当初离开英皇娱乐的原因，他说：“多谢老板咁适心照料我，佢都话如果我想签嘅话，我哋随时都喺度等你嘅。其实系我自己想出去闯一闯，始终17岁就签英皇，细细个就喺呢间公司长大，其实我都唔想走，但系想经历更加多嘢，我唔想再喺温室成长。其实我真系好多谢老板一路都咁锡我，又开戏俾我做男一。”