张致恒试过穷到无钱畀家用：好多谢屋企人对我一直以嚟嘅包容
撰文： 张嘉敏
出版：更新：
前Boy'z成员张致恒 (Steven) 入行多年，一直浮浮沉沉，事业不太有起色，直至最近于内地发展终于闯出成绩，担正做网络电影男主角拍完一部又一部。Steven接受香港01记者访问时透露曾经度过了几年穷困日子，连续3年月入得2、3千蚊，坦言：“真系好难挨。”那么身为他的屋企人又怎样去支持他？他又有否畀家用屋企呢？Steven说：“其实以前一出道时，屋企嘅家用都系我负责嘅，但系依家我都觉得好愧对自己嘅屋企人，尤其是我家姐啦，因为佢依家算系畀家用𠮶个。就算到依家都好，我嘅收入其实都唔系好多，有时出粮出多啲，我就会畀多啲屋企，但如果真系唔够，自己都未够嘅话，我都会同家姐讲嘅。”
Steven很感激有家姐跟他分担照顾屋企的开支：“呢十几年以嚟我最要多谢嘅，系我屋企人，尤其系我二家姐Jan (张咏恩)，好多谢佢一直以嚟对我嘅包容。唉，无咗呢啲家姐，细佬我都唔知点算。”当然做家姐的亦有经常提点Steven，Steven笑言：“成日都闹我㗎，叫我咪咁贪玩啰，听得最多就系呢啲，其实身边所有人都系讲呢句，系自己贪玩啰。”