张致恒内地网络电影拍唔停：我落咗好多功夫，做咗好多功课

前Boy'z成员张致恒 (Steven) 近期主战大陆市场，早前就拍了两套内地网络电影《卧底赌神》以及《卧底毒龙》，两套都是担任男主角。Steven表示：“其实都好努力喺电影方面落咗好多功夫，尤其是好开心有老板肯开戏畀我，咁我都好畀心机去做唔同嘅功课。希望自己可以喺拍戏方面有突破，有发展啦，因为我真系好钟意演戏。第一部嘅《卧底赌神》喺爱奇艺嘅点击率有二千几万，老板好满意，所以就开拍咗第二部嘅《卧底毒龙》。期待紧第三部，佢哋有一系列嘅卧底系列都会揾我去拍，应该3月尾拍第三部，有可能喺香港同澳门拍。”

至于是否主力于内地发展，Steven坦言：“无话主唔主力喺内地发展嘅，总之边度有工作我就会去边度，揾钱唔系净系喺一个地方，边度有机会都会去。今年工作上有好多大计，不停咁拍戏，同埋录歌。卧底系列除咗网络电影，嚟紧仲会开网剧，希望可以同多啲唔同嘅人合作。好似喺《卧底毒龙》同卢惠光合作，同佢识咗十几年，今次系第二次合作，好开心，对上一次合作系十几年前。”