【夸世代】结局篇由胶剧变神剧　陈豪：未试过大结局变得咁紧要

睇睇下，《夸世代》今个星期就已经去到大结局。剧情初头都正正常常，讲述宋仲基（欧阳震华饰）与包豹（吴业坤饰）对调灵魂之后发生的事，剧情中间亦穿插了不少“抽水”桥段。虽则话剧情比起同期播出的争产剧创新，但网民仍然嫌弃《夸世代》“胶味”太浓。

【夸世代】七小姐终可同Walking一齐？　身份三重变最后竟然……【夸世代】剧情大暴走变打丧尸　陈豪做宇宙大王系咩玩法？

不过由踏入结局篇的这个星期开始，剧情就开始180度大兜乱，又坐时空的士到未来，又话蝴蝶效应，就连walking dead都出埋，真系似十足网络原创故事咁，更有网民留言话有屋企人睇到精神分裂添。随著剧情扭转，网民态度亦都跟住转变180度，更大赞剧情出色有创意，由胶剧升华到神剧咁话。

陈豪（Mike）今日出席活动接受《香港01》访问，他就回应了不少网上的提问。其中他特别讲到，原来唔止系网民，就连他本人也十分喜爱《夸世代》的大结局。“其实系今次佢创作大胆。好坦白讲，我拍好多电视剧。我知道嘅，我会有好多爆肚，为咗喜剧效果更加好，言语上对白上会可以踩界。但系今次监制为咗保存个感觉，佢都放胆俾我哋去，所以我都几surprise佢几肯俾我哋创意。另外，其实佢哋都系行紧呢个方向，你睇套剧其实都系天马行空。我谂我拍咁耐剧，未试过个大结局可以变到咁紧要。所以套剧可以跳开咗个框框，我系欣赏嘅。”

对于这个跳线又离奇的结局篇，李佳芯（Paris）接受《香港01》访问就说：“本身每条线都要讲其实已经好难，但系佢可以将成套剧，每条线都有自己故事，又讲得咁好。当初睇嘅时候我都估唔到，有好多我冇谂过嘅剧情佢都放咗喺结局度。我相信呢个都系我个角色Paris嘅一个surprice。”陈豪：“我相信每个演员收到呢个剧本，尤其是大结局，大家都会几愕然。‘吓，跳到咁样嘅？变到咁样嘅？’虽然大家会有啲疑问，有啲质疑，但系大家依然紧守岗位。我哋反而会觉得，既然要尝试，why not？咪大家一齐去试一齐去闯啲嘢出嚟啰。其实有时下下固步自封，出嚟嘅嘢虽然会比较实净，但系就会冇咗冲击。我觉得做演员或者做咩都好，就系要抱住个胆识，去尝试，行出一步得一步，慢慢去摸下个底线，其实观众接受嘅嘢可以好大。”