【夸世代】欧阳震华扮废青俾人赞 好戏靠人生阅历：唔系练返嚟
撰文： 林迅景
出版：更新：
《夸世代》播映以来，口碑及收视一直都很好。剧中饰演“宋仲基”的欧阳震华(Bobby)演技更加是入型入格。从影卅多年来演出过的无数剧集角色，律师、古装才子。甚至乎是《夸世代》中饰演与吴业坤交换了灵魂的“废青”，都似乎难佢唔到。适逢《夸世代》上映以来网民一直赞好欧阳震华的演技。咁Bobby演技咁好，到底佢有啲咩“必杀技”同“秘诀”呢？
日前欧阳震华(Bobby)出席《夸世代》活动，接受《香港01》访问时说：“宜家先觉得吖？哈哈哈，其实我呢个角色好难做㗎。我要做返吴业坤咁嘅年纪，要做返𠮶啲小动作。因为佢喺套戏入面系一个废青，佢讲嘢要牙擦擦同好食懒飞。我角色前段系一个年薪几百万嘅i-banker。如果大家有睇都知我第一集系一个遇杀敌嘅人，同吴业坤交换左灵魂之后就变返一个后生仔。”
+4
问到Bobby平常如何练习演技表情时，Bobby就分享说：“我表情唔系练返嚟㗎，系发自内心。唔系练返嚟㗎，系人生嘅阅历。“练返嚟”𠮶个时期已经过咗啦，而家系发至内心。即系而家到我呢啲阶段，如果有人话：‘Bobby，你做戏好叻，我唔开心㗎。’你觉得我喺度做紧戏我就唔开心。其实我系喺个布景入面生活紧。所以我喺呢行入面，你会睇到我系一个有血有肉嘅一个人物，唔系话我做戏叻。再高啲嘅层次系希望佢同生活化同自然，唔似做紧戏唔似讲紧台词。不过呢个唔系我讲，系人哋讲㗎。”
而今日宣传活动张继聪就继续缺席。接受传媒访问时谈到张继聪被TVB封杀的消息，Bobby说：“阴功啰！（觉得张继聪好无辜？）系吖。”不过Bobby就话官司进行中，所以不便多谈。