韩国中秋节连假开始 《医疗船》收视跌一半都赢《当你沉睡时》
撰文： 沈洛嘉
出版：更新：
寻日就系中秋节正日，多得韩国总统文在寅派糖韩国仲要放连假！应该好多韩国人都趁住中秋节连假去旅行或者出街玩，应该无咩人留系屋企睇电视，所以寻晚播出嘅《医疗船》都收视大跌一半，创下历史新低5.5%，不过仍然高过由李钟硕同秀智主演嘅《当你沉睡时》0.5%，仍然系水木剧之冠。
上集讲到河智苑的爸爸做完手术之后，拜托姜敏赫@CNBLUE帮佢隐瞒有癌症嘅事实，因为佢买左癌症保险，成功嘅话就可以得到一亿五千万韩圜（约HKD$1,024,500），当然呢笔钱其实都系留比佢河智云两姐弟，但就系河智云爸爸同姜敏赫讲个阵就已经比河智苑发现咗，河智云更系力拒做违反职业操守嘅事，不过就成集都畀呢件事缠绕住，最后仲要跪低去求抢自己功劳嘅教授帮佢爸爸做手术，真系见到都为河智苑心痛！
今晚《医疗船》就会播出河智苑爸爸做手术的部份，相信佢成功完成手术之后，两父女会和好如初，而河智苑亦系预告中讲出：“我想留喺巨济《医疗船》上！”都睇得出河智苑日渐对《医疗船》、《医疗船》嘅人同埋喺《医疗船》上发生嘅事留有好多回忆。
更多《医疗船》图片
+8
我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/