《医疗船》河智苑李瑞元今晚要结婚？ CNBLUE姜敏赫的受难时代
最近嘅韩剧选角都钟意突出年龄差距，不论系《鬼怪》（全名：《孤独又灿烂的神─鬼怪》）、《医疗船》、《爱情的温度》，甚至乎金恩淑作家不久之后就会搬上电视嘅又一力作《Mr. Sunshine》，男女主角李秉宪同金泰梨（又译：金泰璃）都系有一大截年龄差距嘅对手。
今集《医疗船》继续系CNBLUE姜敏赫嘅受难时代，姜敏赫仲未氹得返河智苑之余，加上河智苑妈妈死前最后一次睇嘅医生就系姜敏赫，令到河智苑好直接咁问：“如果件事发生喺你身上，你会唔埋怨咩？”令到姜敏赫完全手足无措，无言以对！前后两次失咗照顾河智苑嘅先机！
姜敏赫在《医疗船》面对的问题，还加上另一个年下直进男李瑞元积极对河智苑展开攻势！除咗河智苑先后救咗李瑞元妈妈同佢前管家，对于李瑞元嚟讲，河智苑更系愈睇愈有魅力嘅女人！重点系，除咗李瑞元对河智苑有好感之外，就连李瑞元嘅屋企人都好钟意河智苑，院长爸爸仲话要即刻约河智苑食饭，想佢做埋屋企人！
《医疗船》的四角关系还加上姜敏赫前女友崔英恩竟然约河智苑“讲数”！仲好直接咁问河智苑系咪钟意姜敏赫？点知河智苑更都好直接同好真心咁答：“系！”又话如果要喺自己嘅人生计划入面加一个恋爱对象，𠮶个人一定系姜敏赫。但之后河智苑又同崔英恩讲：“你要庆幸我对爱情一啲都唔关心！”所以河智苑即使钟意姜敏赫，但似乎碍于妈妈嘅死，对姜敏赫仍未敞开心扉！
而今晚《医疗船》就会讲到河智苑出席李瑞元嘅家庭饭聚，预告入面李瑞元问河智苑：“你想唔想同我结婚？”个问题更系好似冇经过河智苑大脑就回答：“好啊！”搅到记者都同李瑞元一样，即时吓呆！唔通河智苑真系要放弃自己亲口承认真心钟意嘅姜敏赫？唔通《医疗船》剧情真系快到光速咁，今晚河智苑就决定结婚？
更多《医疗船》河智苑、姜敏赫、李瑞元图片：
我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/