《医疗船》河智苑口不对心啰啰挛 李瑞元宣战加入三角关系
撰文： 沈洛嘉
出版：更新：
人气韩剧《医疗船》唔止救人同做手术咁简单，当然仲要拍下拖仔咁啦！上集《医疗船》河智苑（又译：河知云）同姜敏赫@CNBLUE锡锡完，河智苑就扮晒咩事都无，其实个心就啰啰挛，仲要姜敏赫个“未婚妻”英恩突然杀出嚟！话要住喺佢地宿舍之余，仲要同河智苑同一间房！今次姜敏赫点收科啊？
虽然英恩就同河智苑同一间房，但英恩就唔满意河智苑间房无床，觉得瞓被会唔舒服因为太薄，突然就话要去姜敏赫间房同佢一齐瞓，真系吓死宝宝！河智苑虽然口就话唔care，其实就care到爆！除咗成晚瞓唔着之外，仲系咁谂住想去确认一下两人系咪真系瞓埋一齐，不过最后理智战胜咗感情，都系打道回房，不过河智苑就走足成日神，连帮伤者处理伤口个阵都会发呆！要护士嗌佢几声先知。种种迹象睇嚟河智苑其实已经泥足深陷喇！
相信呢个情况都发生过系唔少女仔身上，“佢唔系钟意我㗎咩？”、“明明有女朋友又话等我系咪傻㗎？”、“佢两个究竟有无嘢？”等等嘅疑问！好彩姜敏赫系个“直进男”，不停揾机会想同河智苑解释其实咩事都无发生过，英恩只在佢房到瞓，而自己就去咗同李瑞元孖铺，又同英恩讲得一清二楚，男仔嚟讲算系唔话得㗎喇！不过想睇佢地真系和好同再有进一步发展就要等下星期嘅播出喇。
不过今集《医疗船》开始终于要开展三角关系，李瑞元对河智苑嘅同事感情要转做爱情，仲放狠话问姜敏赫有几钟意河智苑，又话：“如果你钟意佢就要打醒十二分精神，有可能我会想抢佢！”唔通一套剧入面会有2个“直进男”？
更多《医疗船》图片
+37
我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/