伞运后疑遭内地封杀有人乘机压价 黄秋生：唔喺我面前讲废话！
马来西亚首间具规模的娱乐电影公司“凯优影视”，周二（22/1）在马来西亚举行电影《一起走过的日子》发布会，特别嘉宾有黄秋生、吴卓羲、导演李力持、邵音音、艾威等人现身会场支持，场面墟冚。刚凭电影《沦落人》夺得“香港电影评论学会大奖”最佳男演员的黄秋生现身吉隆坡，获颁发Asia Pacific Brands Foundation（The Word Best Brands Icon），以表扬其成就。
秋生：真系唔应该敢去攞呢个奖
黄秋生喜出望外说：“呢个奖听闻曼德拉攞过，亦有好多人都攞过，我又点同人比呀，你畀我真系唔应该敢去攞㗎，咁人哋畀得我嘅，我咪揸住佢唔放啰，攞住威水下啰，人哋曼德拉都攞过㖞，如果人哋话曼德拉坐过监，你又唔走去坐，咁又唔好㖞，咁我又唔制㖞。”
【沦落人】黄秋生挑战半身不遂角色 感动演绎港人与菲佣宾主关系
伞运后5年冇工开：咩热情都散啦！
黄秋生因为当年被认定支持雨伞运动后，演艺事业遭到多方面封杀。秋生坦言说：“我都‘坐’咗5年啦，《沦落人》我都冇收钱，咁样坐咗5年，唔慌有热情啦，咩热情都散啦，真系唔好烦我，唔好成日走嚟话听闻你又乜呀，原来又唔系，转头又拍心口又话帮我乜，到时候又话我唔得呀，真系好讨厌！”
秋生坦言，这几年最令他觉得讨厌的情况，是有人摆明“揾佢笨”：“例如好似你嚟做生意，有个人走嚟话你啲嘢冇人要冇人买嘅，你贱卖畀我啊，卖完之后呢，你会发觉佢原来卖得好多钱好多人要嘅，原来同事实好唔同，咁所以啲人唔喺我面前讲废话，啲人讲咩拍心口，我会话唔好讲废话，我唔拍㗎啦，我退休㗎啦，我冇人要，唔拍！”
继续关心社会：食饭会哽衬唔通因噎废食？
经过5年漫长时间的洗礼，黄秋生有份客串张达明电影《家和万事惊》成功经过内地审批及上映，一向敢言的秋生被问到身为艺人，会否避免谈政治较会适合？秋生直言：“唔通唔谈政治唔谈宗教呀，唔谈社会？明白有时候一句说话可能会影响到人，所以自己都要小心啲讲嘢，同埋讲嘢要负责任。”
问到可会怕他人将自己的说话放大？秋生续说：“其实你讲乜都有人放大，有人会唔明㖞，我而家唔系写紧论文，咁我唔能够话呢个地球系圆，咁有啲人唔识字，佢地话地球‘完’啦，有人散播谣言，呢个地球‘完’啦！你唔能够同啲傻嘅解释，咁你可唔可以话个地球系方㗎，之后佢哋又话个地球方呀！有啲人系傻，所以我唔需要为咗佢唔去讲，食饭会哽衬唔通因噎废食呀？我系一个市民去关心社会，我会做我应该做的事。”