毅行者｜胡文津首战100公里即赢冠军　由头痛到尾靠轻松心态顶住

由杨志成、黄浩聪、曾福祥及胡文津4位本地跑手组成的队伍，以11小时38分赢得“乐施毅行者2022”冠军。胡文津（Woody）从未跑过100公里，首战长途赛即赢得冠军，但他其实在毅行路上历尽辛酸，几乎全程受痛楚折磨。他感谢队友沿路在身体及心灵上的支持，“冇咗佢哋，应该完成唔到”。

在上周五晚7时多，杨志成、黄浩聪、曾福祥及胡文津的8006队伍，首先跑抵元朗大棠，成为今届毅行者冠军。在颁奖仪式上，胡文津上落楼梯都有点辛苦。

了解毅行者战况：香港山界梦幻组合极速夺冠　力压中外精英跑手首先冲线

如果要胡文津选一个字来形容这趟旅程，相信是“痛”。

他赛后表示，几乎由头痛到尾。他说：“由东坝开始已经想抽筋全身痛，有队友同支援队畀咗好多心灵上支持我，身体上佢哋都疯狂畀盐丸、止痛药同gel（能量啫喱），畀咗好多心灵同身体上嘅支持我，如果呢100K（公里）冇咗佢哋，应该完成唔到。”

黄浩聪与杨志成赛后访问：黄浩聪力战八届首度封王　分享团队阵式策略为队友殿后

胡文津本身是路跑出身，他认为越野跑的速度比较慢，心肺功能完全应付得到，但他表示最大问题是双脚，他感叹：“只脚擡唔起，落斜膝头痛，好多问题，痛完一个位又痛另一个位！”

身体的痛若果难以避免，能改变的只有心态。

“心态上轻松，肉体上辛苦。”这是胡文津挨过100公里路的形容。

“成程100K都谂住轻松啲、放松啲。无论几攰都好，不断提自己放松，全身都松，谂住大腿、小腿放松，不断谂，直至去到终点。”

“以前细个太多期望，会有好多失望，所以唔好谂太多，跟返平时练习点走，谂返喺运动场上面跑嘅感觉，将佢搬返嚟，一步一步。”

比起3位队友在越野赛获奖无数，胡文津山赛经验较浅，从未跑过100公里。他之前最长跑过56公里，都是为了毅行者而操练“双坳”，由北潭坳跑到荃锦坳。

曾福祥赛后访问：“怪兽”曾福祥两周两冠军　100公里毅行见证苦练成果

为针对胡文津未跑过100公里这一点，他们在阵式上作出相应安排。他说：“初头怪兽（曾福祥）同战神（杨志成）带头，我哋每个人性格特点都唔同，战神好紧张嘅，好钟意冲，见到人就会加速，后面有队队佢㖞，佢又会加速。”

“怪兽就好稳阵，佢个pacing（配速）好靓。聪sir（黄浩聪）好钟意望住对手，佢有实力，加速就过晒你哋啦，佢就同我一齐喺后面观察对手。”

黄浩聪殿后，主要为了陪伴胡文津，观察他的状态表现，调节团队速度。黄浩聪说：“佢第一次跑100K，佢先25岁，好多嘢要学。我开头拍住佢喺后面，直至30K之后，队长（杨志成）话试下attack（攻击）走自己速度，𠮶刻我都有少少担心，睇下唔知Woody顶唔顶到。”

黄浩聪续说：“佢最长只系操过双坳，所以54K之后距离都应该吃力，佢hamstring（大腿筋）会痛，跑落山要减慢速度。佢好好，可以控制到，佢食过好多盐丸、止痛药去舒解佢嘅痛楚，佢意志同力量好坚定先返到终点。”

胡文津很多谢黄浩聪，大赞对方带得好，“我跟住佢pacing好舒服，几时加速几时减速，佢唔使问我，佢会睇到我嘅感觉而去加速减速。”

“聪sir有经验，途中畀咗好多意见我。我问佢姿势好唔好，落斜点样落好啲，使唔使减慢。佢畀好多专业意见我，我当呢个比赛系上咗一堂免费嘅聪sir跑山堂。”胡文津道。

“第一次夹就有呢个成绩，好多谢佢哋。”