【潮牌推荐】潮牌你只识Supreme? 盘点2019年不可不知的三大潮牌!

那些年，我哋一起追过嘅潮牌，你又拥有几多个呢？Supreme、Stussy、OFF-WHITE？每当讲起潮牌，相信大家脑海中闪现嘅品牌都离不开以上几个。其实，除咗以上潮牌始祖以外，喺2019年其间都有唔少突如其来崛起嘅潮牌。趁今年就快完结之前，一齐嚟回顾吓以下三个火速窜红全球嘅潮牌喇！

KANGOL

想必大家都有留意到今年复古风大肆盛行，而来自英国嘅“KANGOL”都乘住呢股大风再次卷席而来。若果你都系一位“帽子控”，又有留意开专门做日韩代购嘅网上小店，相信都会发现今年到处都系KANGOL嘅踪影。就连韩国时尚Icon——泫雅、IU、少女时代润娥、李圣经都戴KANGOL嘅帽。

🔻韩星，潮人穿戴示范🔻

以袋鼠作为品牌Logo嘅KANGOL，其名称背后都蕴含住唔同意思，K—Knitting（编织）；ANG—Angora（安哥拉山羊毛）；OL—Wool（羊毛）。KANGOL亦一直秉承住初心，帽款强调采用百分之百嘅羊毛，唔单止质感好，就连款式亦非常多样化，无论系经典款贝蕾帽、报童帽、小偷帽，抑或系带点帅气街头风嘅渔夫帽、棒球帽、鸭舌帽都一应俱全。

只需要一顶帽就可以瞬间为整个造型加分不少。若果你尚未决定到入手边一顶帽，不妨就直接入手现时最受潮人热捧嘅“504”以及“Bucket Hat”喇！

KANGOL Logo bucket hat HK$579

KANGOL Wool 504 HK$ 342.51 ​

Fear Of God

对于部份潮人嚟讲，着潮牌系代表住一种态度或信念。“Fear Of God”正正就系一个有故事嘅品牌。Fear Of God主理人Jerry Lorenzo并唔系专业设计师出身，佢由一位从事服装店销售员嘅一般“打工仔”，到后来凭住自己嘅创意及灵感自设品牌。

Fear Of God同大部份潮牌截然不同，并冇巨形又浮夸嘅Logo，反而着重喺服饰选用嘅材质、面料、版型上面，以极简嘅设计形成非常强烈鲜明嘅品牌风格，极短时间内就喺潮流界上站稳了脚，就连一众欧美名人例如JustinBieber、KanyeWest、Rihanna等等都系Fear Of God嘅头号粉丝。

而有留意开波鞋嘅朋友，相信都有听闻过早前Fear Of God同Nike联乘嘅Air Fear of God 1 鞋款。呢对波鞋一推出就成为炙手可热嘅鞋款，吸引唔少鞋迷关注。

🔻Fear Of God必入单品🔻

Fear Of God属于高端街头潮牌，价格定位高，并唔系普遍人能够负担得到。因此，后来衍生出平价副线品牌—ESSENTIALS，设计上维持住品牌一贯风格，但价钱上就更加亲民，更易入手。

🔻ESSENTIALS必入单品🔻

xVessel

xVESSEL G.O.P. Lows又系一对喺2019年其间风靡万千潮人心嘅潮鞋，而呢对鞋就系来自艺人吴建豪嘅自家品牌“xVessel”。xVESSEL G.O.P. Lows并非一般帆布鞋，设计暗藏多个小心思，譬如抽须细节、手绘字母、厚底、堆叠错位等等。而且每一对鞋都系全手工制作，号称系“全球第一对软木硫化鞋”，唔少艺人例如五月天阿信、蔡徐坤、宋祖儿、程㴋、迪丽热巴等都入手咗一对！想要入手嘅朋友真系要捕实xVessel官网，事关每次一补货，唔需要好耐就已经被抢购一空。

🔻艺人穿搭示范🔻

🔻xVESSEL G.O.P. Lows🔻

(产品资料以官方最新发布为准，价钱最后更新至2019/12/30)