【彩妆冠军】编辑精选！2019年平价开架品牌化妆品大赏 — 下集

2019年即将完结，又系时候嚟总结一下今个年度用过最满意嘅化妆品💗。呢一年来，小编都尝试过大大小小唔同品牌嘅化妆品，当中有唔少产品都系因为被网民、Youtuber、KOL疯狂热捧，导致小编都按捺唔住，决定买嚟试试，果然一试便知龙与凤。喺经历过一次次中伏嘅经验后，小编决定要同各位姊妹们分享一下呢一年来小编用过最满意，使用率最高，甚至已经系无法再离开佢嘅No.1彩妆品。以下全部都系平价又好用嘅开架化妆品，推荐畀一众学生、化妆新手以及小资女。事不宜迟，立即公开埋胭脂、唇妆、眼线、睫毛膏、打亮、修容嘅第一位产品😊！

🏆胭脂冠军🏆

ROMAND - Better Than Cheek #02 HK$69.26

胭脂都系小编非常喜欢收集嘅化妆品之一，而日常使用率最高嘅一款胭脂就系来自韩国嘅ROMAND - Better Than Cheek。而小编最常用嘅色号就系#02 Peach Chip，通常早上冇时间慢慢挑选胭脂嘅时候，就会随手拎起呢只胭脂，因为佢颜色系属于淡淡嘅蜜桃杏色，无论当日系浓妆或淡妆都能够驾驭得到。颜色清透自然，即使隋便大面积地搽上脸都唔会出错，可以营造到一种天然好气色嘅感觉，伪素颜必备！

🏆唇妆冠军🏆

ROMAND - Juicy Lasting Tint #7 JUJUBE HK$ 61.52​

唇部产品系小编挣扎得最耐嘅一款化妆品，事关颜色靓、质地又好嘅开架唇膏实在太多。不过经过层层筛选后，小编决定投ROMAND- Juicy Lasting Tint一票！ROMAND可以话系2019年突然弹起嘅品牌，系韩国火红程度系几乎韩妹Youtuber都大大力推荐过。ROMAND系2017年由韩国专业彩妆师成立，短短两年间已经凭实力赢得无数韩国人既欢心。

ROMAND - Juicy Lasting Tint 妆效系玻璃光泽感，搽上嘴后望落有种既饱满又水嘟嘟嘅感觉，正因为佢够Juicy，即使唔搽润唇膏打底都唔会干或显唇纹。而最受韩妹以及小编喜爱嘅就系#07 JUJUBE，颜色系“MLBB”，即系My Lips But Better，颜色自然有气质，适合日常返工返学。

🏆眼线冠军🏆

UZU Eye Opening Liner #Brown-Black HK$130​

小编起初都完全唔认识呢个牌子，但有次喺日本药妆店shopping时，发现佢被放喺重点推广位置，包装上面仲贴有“美妆大赏第一位”贴纸，胆粗粗就买咗一枝试试。一试之后就发现系意外地超级好用，笔芯软硬适中，墨水出水量平均，画上眼非常smooth，笔芯又够幼，可以轻易勾画出俐落嘅眼线尾。持久度都无得弹，暂时都未出现过甩到变“熊猫眼”嘅情况！小编应该会无限回购！

🏆睫毛膏冠军🏆

Heroine Make (Kiss Me) 持久防水浓密睫毛液 (易卸防水膜型) HK$94

兜兜转转，寻寻觅觅，最后小编都系投入返Kiss me嘅怀抱。Kiss me睫毛液应该唔需要多作介绍，几乎有化妆习惯嘅姊妹都有用过佢！Kiss me睫毛液可以搽到太阳花般根根分明、纤长又浓密嘅效果，而且搽咗全日之后睫毛都唔会Drop！抗汗抗油能力出色，所以缷妆时必须要用到眼妆缷妆油先能够缷得干净。

🏆打亮冠军🏆

CEZANNE - Pearl Glow Highlight #01 HK$ 93.9​

打亮呢个Step系同修容一样同等重要，缺一不可。日本开架品牌CEZANNE嘅Highlighter做到专柜级别效果，粉质幼细唔会显毛孔。最重要系，超级闪！只要轻轻扫一下就已经闪出天际，令整个妆容望落更精致更高级！而且呢个Highlighter #01底色系以珍珠色作基调，唔会偏粉或偏黄，唔挑肤色，即使系偏白肌或健康肤色嘅姊妹都能够驾驭得到。

🏆修容冠军🏆

Physicians formula BUTTER Bronzer #古铜色 HK$111.22​

修容对于小编嚟讲非常重要，事关修容可以拯救到包包脸同榻鼻梁，简直系女孩子嘅福音。Physicians formula 嘅修容包装外观好可爱，充满热带风情，闻落去仲有种甜甜嘅椰子糖味道。最大卖点系质地软糯，粉质非常细腻，上脸后唔会有结块感，只要用扫就可以轻松Blend开，比较适合新手使用，即使上多咗份量都好易就blend返开。

🔻点击下图睇年度化妆品冠军总结图🔻

想睇埋妆前乳、底妆、遮瑕、定妆、眉笔以及眼影嘅第一位产品？立即点击下面相关文章Link睇埋上集喇！

(产品资料以官方最新发布为准, 价钱最后更新至2019/12/27)