穷学生都要交换圣诞礼物!唔使花大钱都可以好开心! 即睇礼物推荐!

圣诞节就快到，又喺时候要Re-U！首先，辛苦晒一众Re-U搞手，掌声鼓励👏👏👏皆因要策划一个圣诞节Party真系一件既艰巨又伟大嘅任务。深信每一位幕后搞手咁不辞劳苦地准备，只不过系希望每位朋友仔都可以玩得尽兴而归。不过，若果想将成个圣诞Party气氛推上高潮，“交换礼物”呢个刺激又紧张嘅环节绝对系不可或缺！但系，Party上总会有一两个搞事份子，专门送啲超伏礼物，最后搞到场面尴尴尬尬。唔想气氛瞬间跌落冰点，挑选礼物𠮶时就要认真啲喇！

但系圣诞Party有男又有女，要拣一份男女都啱用嘅礼物真系唔简单。而且通常交换礼物前都会预先Set好Budget，价钱唔可以太贵又要实用。妈啊！世界上边有如此两全其美嘅礼物㗎？😫

大家放心！其实系有㗎！小编已经帮大家搜罗咗以下四件价廉物美、男女皆宜嘅圣诞礼物之选，啱晒一众学生哥们，当中仲有住Hall必需要拥有嘅“宿舍神器”，买嚟送畀Hallmate绝对完美！

1. JBL GO 2 防水便携无线扬声器 $269

抽中呢份礼物嘅朋友仔就真系有福了！JBL 呢个牌子无人不晓，都唔需要再特别介绍，用嚟送礼绝不失礼。呢个价钱可以有呢个质素，绝对系物超所值。而且Party又点少得音乐助兴呢？所以呢份礼物送畀朋友之余，仲可以即场即开即用，一举两得！✌

🔻即睇以下重点功能（按图放大）🔻

2. 懒人被 ¥129起

最近气温不断骤降，唔好话上8半堂，就算系上晏昼堂，起身都系要靠意志力。就连身体离开张床𠮶一秒电光火石之际，都已经冻到不期然地打咗个尿震。若果冬天可以永远都唔离开张暖笠笠嘅被窝，你哋话有几美好呢😚？

我谂到的，果然别人都谂到。事关真系畀小编喺网上揾到一条可以着上身嘅“懒人被”，只要将佢由头笠到落脚，然后拉上拉链，咁你就可以永远都再唔需要离开被窝喇！啱晒送畀身边一班又懒又怕冻嘅朋友们。

🔻多个颜色任你拣（按图放大）🔻

3. 懒人折叠台 ¥59起

“懒人被”其实都未够懒，如果你班朋友嘅懒人指数已经去到最高Level，坚持“可以训的话，不会郁”嘅精神，咁呢张“懒人折叠台”就啱晒佢哋！有咗呢张台，基本上完全唔需要离开张床，无论系食饭、煲剧、做功课、温书等等，你都可以喺床上完成。

🔻唔止可折叠，仲可伸缩（按图放大）🔻

4. 迷你多功能煮食锅 ¥39.9起

鼎鼎大名嘅“住Hall神器”，住得Hall如果冇呢个神器傍身就真系蚀底喇！每当夜栏人静时份，总会好想煮个邪恶公仔面嚟填饱一下唔争气嘅肚肚。呢个时候，如果有个“多功能迷你煮食锅”就方便得多喇。除咗煮面，仲可以煲水、炒菜、煎蛋、油炸、蒸嘢食，最重要系可以打边炉！！！冬天冻冰冰，一齐同Roommate匿埋系房打下边炉，谂起就觉得超级warm啊！

🔻即睇有几多功能（按图放大）🔻

今年圣诞Party，希望大家都可以抽到你心目中嘅理想礼物喇！💗💗💗

(产品资料以官方最新发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈

👉按此进入Telegram优惠码发放区👈