【圣诞礼物2019】尖叫度爆表! 多款好玩创意小礼物收服百厌小朋友
“又到圣诞，又到圣诞！”圣诞节唔单止系大人们狂欢嘅节日，亦系小朋友系继生日之后最期待嘅日子之一，除咗有假放、有得同同学仔开大食会，玩抽奖，仲可以攞正牌收礼物！不过对有家室嘅大人们嚟讲，圣诞分分钟仲忙过平时，事关呢头要带小朋友出去玩，𠮶头又要预备圣诞联欢会小食，仲未计小朋友最期待环节——礼物时间！各位爸爸妈妈、叔叔姨姨，你地准备好化身圣诞老人未？如果仲未物色礼物，就快啲参考以下嘅礼物清单，抓紧时间为小朋友准备惊喜！
无论咩年纪嘅小朋友，对圣诞都总系充满美好嘅幻想，虽然有唔少家长会带埋小朋友亲自去拣礼物，不过礼物当然系越神秘先越有惊喜，而拆礼物环节更加系维系亲子感情嘅好时机。
如果家长们今年都打算搞一个大小同乐嘅圣诞派对，以下多款礼物必定可以为派对增添欢乐嘅气氛，仲可以令百厌嘅小朋友坐定定𠻹！
🔻1-3 岁小朋友之选🔻
TAKARA TOMY 迷你迪士尼糖果球夹夹机 HK$468.52
识得郁，又会发声嘅玩具对1-3岁嘅小朋友就最有吸引力。呢部迷你夹公仔机用咗小朋友最爱嘅迪士尼人物做主角，可爱嘅公仔唔止俘虏到小朋友，就连身为大人嘅小编都觉得非常可爱！机内有发声装置，内置2首歌曲、5种音效，48种英日语指示音，小朋友玩得开心嘅同时，亦都可以学埋英文，以及训练手眼协调能力！
煮饭仔几乎系不分年代国籍，任何小朋友都必定爱玩嘅玩具之一，但系未必个个家庭都有足够嘅预算同空间买一套“架餐”齐全嘅厨房，如果煮唔到饭仔，煮面仔都差唔多啫！小朋友可以自由组合套装入面唔同嘅木制食材小部件，发挥小小创意，砌出一碗特制嘅汤面！
🔻3-6 岁小朋友之选🔻
宠物小精灵生态球 HK$80.39
虽然宠物小精灵已经系上一个年代嘅产物，但当见到一班Pokemon喺精灵球内摆出又可爱又梳乎嘅造型，试问又有边个小朋友抗拒得到！每个精灵球入面都有独特而又符合番Pokemon属性嘅生态环境，例如奇异种子就喺草地、车里龟就喺小水池、卡拉卡拉就喺沙地上，除咗够晒可爱，小朋友收到之后仲可以动动手自己组合，有得睇又有得玩！
🔻6-9 岁小朋友之选🔻
对于6-9 岁嘅小朋友，毛公仔呢类玩意相信都已经满足唔到佢地，呢个时候就适合送番啲娱乐性高，比较复杂嘅小玩具就啱喇，例如LEGO就系一个好选择喇！事关LEGO可以畀小朋友挑战一下自己嘅能力，学下点样跟住说明书，由零开始建立一样场景，动手之余又可以动动脑筋！如果有兄弟姊妹嘅，仲可以等佢地分工合作，培养感情，最重要系LEGO一玩就玩成晚，简单一招就已经令到又嘈又百厌小朋友静落嚟！
LEGO Super Heroes: Iron Man Hall of Armour £49.99
MARVEL唔止大人钟意睇，当中有唔少角色更加系好多小朋友嘅偶像！呢套IRON MAN LEGO有齐晒6款唔同型号嘅IRON MAN，望见佢地齐齐整整咁放喺自己亲手砌出嚟嘅展示台上面就觉得开心！
LEGO Friends: Olivia's Cupcake Café £24.99
LEGO并唔系男仔嘅专利，事关好多女仔都好钟意玩布置游戏，LEGO 就可以畀佢地一边砌屋仔，一边将间屋布置到靓一靓。加上LEGO Friends呢个系列系以5个性格形象都唔同嘅小女孩做主角，女孩子们转眼间就会将自己投入角色之中，发挥小创意，创作出一个个大故事！
🔻9岁以上小朋友之选🔻
9岁以上嘅小朋友已经系大细路，唔止喺心态上慢慢长大，亦都会开始会有自己嘅小世界，呢个时候与其买啲小朋友玩多一两年就唔想玩嘅卡通玩具，倒不如拣啲适合一大班人一齐玩嘅小游戏，等佢地可以约埋班同学仔开心咁玩番日。而讲到团队游戏，首选就一定系非board game莫属，平日玩又得，喺派对上即拆即玩都得！
哈利波特棋盘游戏 £27.99
无论系大人定小朋友，只要自问系哈利波特嘅粉丝，一定可以秒杀呢个游戏，皆因游戏将棋盘同问答结合起嚟，只要答啱问题，再加上少少运气，就可以成为赢家！
木制Gigamic Katamino拼图游戏 HK$467.94
玩法多变嘅游戏就最啱好奇心重，钟意新鲜感嘅小朋友。Gigamic Katamino 嘅玩法类似七巧板，小朋友要利用唔同形状嘅积木，喺有限嘅空间内嚟砌出游戏卡上指示嘅图形，或者进行对战解谜，唔好以为好似好简单，大人都随时会被难度！
(产品资料以官方最新发布为准)
唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！
👉按此赞好《一网打尽》Facebook专页👈
👉按此进入Telegram优惠码发放区👈