【礼物攻防战】如何不着痕迹暗示男朋友送礼物?女朋友必学4大招数

每逢大时大节，相信有唔少女生们都同小编一样，深深体会𠮶种到“又期待又怕受伤害”嘅道理，尤其喺情人节、七夕、圣诞节呢啲“恋爱的节日”，无论两个人已经一齐咗几多个年头，女仔都总系会花尽心思时间去装身扮靓，买定礼物，使出浑身解数为男朋友准备一个难忘嘅回忆。如果你嘅男朋友仔都系咁识做嘅，小编真系恭喜你啊，相反，如果你嘅男朋友每次都系两手空空，冇安排节目又冇预备礼物咁同你过节，都咪话唔灰心……其实女仔都只系想男朋友喺适当时候氹下自己啫，唔通对佢地嚟讲真系咁难，真系冇办法？

姊妹们其实又唔使咁灰嘅，首先小编想话你地知，you are not alone🤝！事关节日礼物拉锯战系大部分情侣都要经历嘅考验之一，不如先睇睇其他姊妹嘅经历，你就知你嘅男朋友并非异类，而系有唔少男人对节日都系比较迟钝！

所以话女人真系唔易做，面对男朋友，内心有无限个小剧场上演紧嘅同时，又要保持住矜持。想要礼物，又会怕对方觉得自己太港女👉👈；买错礼物，又惊对方觉得自己唔知足👉👈，不过与其自己谷住道气，倒不如运用一啲小心机暗示男朋友，可能仲会有意想不到嘅惊喜！

🔻第一招：花式暗示法🔻

男朋友系一种左耳入右耳出嘅生物，当你以为坦白讲就实冇死啦，但其实佢地呢刻听完，下一刻就随时冇咗件事 😵 咁呢个时候你就可以活用心理学入面嘅“21天效应”，意思即系重复同一个动作或者想法21日，咁佢就会变成一个习惯性嘅动作或念头，所以姊妹们识做啦，净系讲一次系唔够㗎，你需要随时随地用尽各种方法催眠男朋友仔！

假如有个手袋你真系好想要嘅，你就要提早一段时间开始筹谋。首先要少量多次，佯装无意咁吹枕边风。然后间唔中就可以喺IG或者Facebook post啲有关于礼物嘅memes，或者“十万个激嬲女朋友的理由”礼物篇嘅图，骤眼望落去就好似分享紧搞笑嘢，但实际上系提醒紧佢要识做呢😏😏😏～最后就系带埋男朋友一齐去行街街，呢个时候无论系见到橱窗入面嘅宝贝，定系街外人嘅同款，其实你都唔需要讲啲咩，只需要两眼发光，目不转晴咁盯实个袋 🥺 以眼神流露出你心底嘅渴望就足够了！

🔻第二招：借助姊妹团🔻

所谓好姊妹，就系必要嘅时候用嚟助攻。以下方法同以上技巧有异曲同工之妙，就系当你嘅好姊妹收到礼物时，你除咗可以表现出非常羡慕妒忌嘅一面（注意演技修练，不能过火），同时亦都可以借好姊妹把口，讲吓收到礼物时有几感动，有几兴奋，有几感激自己嘅男朋友，以及佢点样礼尚往来氹番对方。正所谓有比较就有伤害，任何人都唔会想自己被比下去，咁自自然然就会识做啦！

🔻第三招：价钱打动法🔻

用完各种暗示法，再进一步你就要付出少少时间同心机，做定功课喇！除咗要讲得出点解想要，个袋有咩咁好，最好就用些少时间比较埋唔同嘅入手方法同价钱。

就例如你想要Furla嘅Metropolis手袋，门市可能卖紧二千尾，咁呢个时候你就要上网揾下有冇更平嘅选择，当你发现MYBAG卖紧$2420，而Farfetch只系卖紧$2009嘅时候，第一步先要沉住气，无意中透露畀男朋友知，原来呢个袋喺MYBAG买平咗几旧水，然后隔一段时间，再话佢知“Oh my god，原来喺Farfetch买仲平啲添呀”，呢招除咗可以显示到你志在必得嘅决心💪💪💪仲可以借价钱同优惠嚟打动对方，等佢觉得自己送得精明送得抵，同时亦都解决埋男士唔知去边度买女人嘢嘅烦恼！

🔻第四招：礼尚往来🔻

嚟到最后，小编想提提大家，世界上系冇不劳而获嘅事情，不过并唔系话你花时间做足以上几个step就代表有付出，而系你都要同样投入你嘅心意，为男朋友准备番份佢钟意嘅礼物，毕竟礼物嘅意义在于心意，在于个种心爱之人为自己准备礼物嘅甜蜜感👩‍❤️‍👨。

由于唔同男朋友有唔同喜好，所以小编就唔在此一一介绍了，不过小编确信有一份礼物系个个男朋友都一定钟意嘅，呢份礼物就系你自己喇！既然都准备咗咁多，不妨做多少少，买定套靓靓战衣，氹得男朋友开心之余，又可以令感情升温，留低一个sweet sweet嘅节日回忆！

圣诞主题性感内衣 HK$314

圣诞节性感连衣裙 HK$392.9

兔女郎性感服装 HK$235.1

实战小教室：无论系拣礼物定玩暗示，都切记要循序渐进，梅花间竹咁使用以上技巧，视乎拍拖嘅时间，选择适合嘅礼物，一开始拣嘅礼物绝对要价钱亲民，同埋款式易认，等男朋友一见到个袋就谂起你，最后当然系要修练演技，间唔中再出下嗲功，正所谓“撒娇的女人最好命”，咁距离成功又近咗一大步！

(产品及优惠资料以官方最新发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈

👉按此进入Telegram优惠码发放区👈