淘宝禁运品 黑色T-shirt、头盔、口罩唔寄得？仲有买咩要小心？

淘宝货品五花八门、琳瑯满目，无论系日常用品、生活电器、衣物服饰，甚至系大型家私都可以上淘宝买得到。但系大家又知唔知道原来淘宝有某啲类型嘅商品被界定为“禁运品”，如果大家冇细心留意错买咗禁运品，一但被海关查扣，分分钟财物两失，严重嘅可能仲会面临罚款𠻹！所以今日小编就话俾大家知到底上淘宝购物时买咩货品需要小心喇！

“禁运品”系指因海关或当地政策限制无法进行运送或购买嘅物品。众所周之，毒品、药品、武器、动物、香烟等等都系属于违禁品，无论从任何途径都唔可以运送出境。

然而，早前就有多间私人集运公司都纷纷喺网上出咗紧急通知，因大陆海关要求对商品进行栏截，某啲“梦游”物资严禁收寄，具体有黄色头盔、黄色雨伞、旗帜、旗杆、宣传横幅、无人机、手套、口罩、黑色T-shirt、钢管、萤光棒、棍棒都通通唔能够接单，仲有喇叭、音箱等类似功能嘅货品都唔可以运送，否则会严查到底。

一啲看似平平无奇嘅日常用品，竟然都唔可以寄嚟香港！𠵱家小编即刻话你知仲有咩类型嘅货品系属于禁运品喇。

1. 易燃液体

淘宝上嘅指甲油颜色选择多价钱又平，但其实指甲油系属于易燃液体，会影响运输安全，因此严禁运送出境。除咗指甲油外，仲有香水、杀虫剂、强力胶水、酒精类等等都系属于易燃液体。

2. 盆栽/植物

近呢几年多肉植物越嚟越流行，唔少人都会上淘宝买小盆栽做家居摆设。但根据大陆嘅《禁止进口货物目录》，为咗保护国家嘅自然生态环境同生态资源，任何植物、树苗、种子都通通唔寄得出口㗎！

3. 水果/食物

前排正值水蜜桃盛季，网上有唔少网民分享喺淘宝上买“阳山水蜜桃”嘅心得。但系，水果类农产品以及任何食用产品都属于敏感货物，唔可以寄嚟香港㗎。

4. 含电池产品

不论系锂电池电子产品，就连蓄电池、碱性电池、碱性电池液等任何带有电池嘅物品都属于敏感货品，可能会影响运输安全，通通都系禁止运送！

虽然以上货品唔可以选择淘宝直送或用淘宝官方集运到港，但其实有唔少香港买家会透过私人集运公司去运送某啲比较敏感嘅货品到港（例如3c电器、化妆品、零食等等）。用私人集运公司嘅好处就系淘宝并唔会知道原来货品最终目的地系去香港，因此唔会存在包裹被淘宝官方集运仓拒收嘅问题。但系其实用私人集运公司寄敏感货品都存在灰色地带，买家就需要自行评估同承担风险喇！

大家上淘宝购物时记得留意番有咩货品唔寄得喇。淘宝网站上都有清楚列出晒所有大陆禁止出口嘅物品清单，即刻揿入连结睇睇！(按此连结睇禁运品清单)

(以上资料以官方网站发布为准)