原来淘宝都可以讲价？小编亲自教授讲价4大技巧！

作为一个精明嘅消费者，平时出街买嘢除咗会格价之外，仲会杀价！但系出街买嘢就话可以同店员讲价，乜原来网上购物都可以讲价？！唔讲唔知原来淘宝都可以讲价㗎！就等小编今日同大家分享喺淘宝上同客服讲价嘅小技巧啦！

第一招：亲～ 

第一招当然就系教你如何同客服拉近关系啦！道理就好似平时行街买嘢讲价时会尊称老板或店员做“靓女”、“靓仔”、“姐姐”、“哥哥”一样，目的就系想表示友好，拉近人与人之间嘅距离。而“亲”就系淘宝上好流行嘅称谓，即系“亲爱的”嘅简称。通常淘宝客服都会用亲嚟称呼买家，所以我地都可以赏试用亲去称呼番客服㗎。

第二招：无限商机

第二招就系要向客服表明来意，表示自己将会成为“回头客”。对于卖家嚟讲，令每一位首次购物嘅买家转化成为长期嘅忠诚顾客简直系佢地最期待嘅画面！所以如果你预计得到自己将来都会不断再回购佢地嘅产品，不妨试试用呢招去问问客服有冇折扣啦。

第三招：人肉推广员

接下来就系令店家觉得俾优惠你系值得㗎，甚至想俾更多嘅折扣你。咁到底系点样做呢？就系提出自己愿意成为人肉推广员，无论系你嘅兄弟姊妹、闺蜜知己、姨妈姑姐、同事上司，总之就话畀客服知你会帮手推荐比身边嘅人，实行用自己把口嚟落广告！

最后一招：欲擒顾纵

若果试晒上面3招都唔成功，最后一招就系使出大技－欲擒故纵！适当嘅语言伪术系有极大嘅辅助功能，例如“好吧，我再考虑看看吧”或者“我再想想吧！”等等，暗示希望客服提供折扣价。但系如果客服表示价钱已经最优惠，甚至已经系成本价，冇办法再更便宜，我地就千万唔好再为难客服啦。

即刻揿下图睇吓小编亲身示范讲价技巧：

下图为小编朋友示范：

以上嘅四招都只系小编嘅小小心得，倘若试晒以上四招都动摇唔到店家，大家亦毋须心灰气馁，正所谓：“试咗唔代表一定得，唔试就一定唔得！”最重要系记得保持礼貌、尊重，做个既精明又文明嘅消费者啊！