HBX网购潮牌小教学 三分钟极易上手 教你买超抵波鞋
夏天热到傻，令到人都唔想出门口，但小编依啲心思思成日想买野嘅人。叫人点忍啊！所以百无聊赖嘅小编，就揾到一间HBX网店又实行买！买！买！等小编又同大家一齐轻松网购啦！
HBX系一间2012创立嘅公司，并拥有超过200个不同品牌类别嘅购物平台，好多小编都成日买嘅品牌，例如：Adidas、Champion都可以喺网站揾到！
1. 去到首页，可以先点选登入帮自己建立一个新帐户，方便无论喺网站同APP都可以方便存取个人购物喜好。
2. 成功登入就可以买嘢啦！
3. 你可以喺左上角揾啱你想买嘅类别，小编决定买件T-Shirt先！
4. 当然见到有心水就加个星星落去，之后可以去欲购清单揾番。
5. 点选咗想买嘅物品，就可以睇下产品其他资料如：尺寸、运送时间
小编提提你：点选量度您的尺码就可以输入自己身型资料，由系统推荐啱你嘅尺码。
6. 决定好要买嘅产品就可以点选您的购物袋>进入购物袋俾钱啦！
7. 填写番联络资料同送货地址，确定资料无问题就禁继续。
8. 之后就拣返送货方式同缴款方式，HBX提供：信用卡、PayPal、支付宝、微信支付和银联，作付款方式。
小编提提你：信用卡同银行户号记得唔好乱咁透露俾其他人知啊！
9. 确定之后就会喺电子邮箱，收到一封由HBX发出嘅订单同快递邮件
讲完点喺HBX网页到买嘢，对于小编系唔够嫁！出到街都可以用HBX APP都可以落到订，实行去到边买到边！
1. 打开HBX APP就会先叫你拣一个有兴趣嘅类别，咁就拣个女装睇下先！
2. 当然小编都建议去更多，选择登入/注册，入返个帐户就可以开始shopping！
3. 喜爱追上潮流嘅可以去新到货品；精打细算就可以去折扣商品，总有一款啱你去买
小编购物提示：可以拣过滤，按照类别、价钱高低、颜色等，更快揾到心水产品
4. 揾到想买嘅产品，睇清楚产品细节就可以加到购物袋，拣好就可以点选购物袋，俾钱啦！
5. 使用IOS系统就可以用APPLE Pay购买，而Android系统或无连结APPLE Pay就可以拣前往结帐！
6. 拣好付款方式，填写订单送货地址，确定资料无问题就可以下单，输入埋信用卡资料就可以啦！
7. 跟住就同网页流程一样，喺电子邮箱，收到一封由HBX发出嘅订单同快递邮件！
成功落单等大概三至四日，就可以收到货品！当然有问题记得问番HBX嘅客服查询，之不过如果件货送到发现唔啱自己需要退货，可以点算呢？就等下一篇文章小编教你点做啦！
（以上资料由官方网页发布为准）