九龙城寨．围城｜洪金宝复出自嘲冇钱　回应谭咏麟事件︰冇关心佢

由《杀破狼》、《西游记》系列的导演郑保瑞执导，巨星级阵容演出的《九龙城寨．围城》今早（30/11）进行开镜活动，包括古天乐、洪金宝、任贤齐、林峰、刘俊谦、黄德斌、胡子彤、伍允龙、张文杰等人，讲述八十年代的香港，在九龙城寨中云集多位隐世高手。

《九龙城寨．围城》的故事讲到一名落难青年陈洛军误闯九龙城寨，遇上城寨传奇人物龙卷风收留，而古天乐正是饰演龙卷风，更会在戏中跟“大哥大”洪金宝有连场打戏，两人今日接受传媒访问，当中大哥大更搞笑回应为何再复出拍戏，他：“冇钱啊！最紧要有制作单位肯俾钱啦！其实唔系，系因为香港而家好少机会拍部电影讲纯香港故事为背景，仲可以继续拍香港电影，全部都系香港演员。第二就系同大家都系好朋友，佢哋叫我拍就会拍，好开心，同古天乐都系好熟嘅朋友，而家可以同香港明星一齐拍戏好难得。”

古天乐表示十多年来都维持一日一餐的生活模式，洪金宝则在旁搞笑回应：“我就一日两餐，可以就三餐不过老婆唔俾啦，饭盒最紧要冇糖冇饭冇面，食糙米个啲，（太太会安排爱心饭盒送嚟？）系呀。”

最后问到洪金宝最近有冇联络谭咏麟，关心一下对方，他斩钉截铁：“冇啊！其实佢咩事姐？关心佢做咩姐？俾车撞到亦或俾人打亲呢？”