梅艳芳｜邵仲衡重演掌掴事件担心敏感　“我都认识当时K房嘅人”

由《寒战》导演梁乐民执导、王丹妮、古天乐、林家栋、刘俊谦及廖子妤主演的香港天后梅艳芳传记电影《梅艳芳》，顺利冲破2,000万港元，口碑极好。
戏中重现当年梅姐被掌掴的一幕，当中就由邵仲衡饰演郭老板，为黑社会头目，掌掴梅艳芳之人，原型为黄朗维。

邵仲衡接受《香港01》访问，问及他会否因为在戏中扮大佬又掌掴“梅姐”，怕不怕敏感时，他直言：“都怕㗎，所以事前跟导演、编剧都有开会倾，始终都系江湖恩怨，双方都有后人，都唔会话谁对谁错，用尊重方式去演，会加少少娱乐性，大家心入面都系尊重。人在江湖，身不由己，我又同阿梅见过几次面，拍戏就点到即止，交代番件事就OK。加上讲到掌掴事件后佢去避风头，成个人都变咗，做好多艺人以外嘅事，贡献社会、做公益等等。”

邵仲衡都有讲到自己跟这事都有少少渊源，事关当年他毕业后做室内设计，认识当年酒吧入面的人。邵仲衡：“拍档第2日同我讲起呢件事，有问下到底发生甚么事，都系话双方紥行晒马。我都有同导演讲返知道嘅料，最主要都系要拍出那份震慑，同阿梅个转捩点出嚟。”

最后讲到拍摄掌掴王丹妮一幕时，邵仲衡表示：“唔系真打，借位嚟嘅，系用double位去拍。知道Louise系新人，惊佢唔识避，都有教佢要演到打中个下，如果我真系用力星落去，头都甩啦！”