【阿叻传圣火】陈百祥自言实至名归：“网民不嬲唔钟意我”

巴西里约热内卢奥运将于8月举办，无线电视（TVB）因拥有香港独家转播权，派出艺人陈百祥“阿叻”担任唯一代表本港的火炬手，激起网民反弹。陈百祥接受《香港01》电话访问，直言“网民不嬲都唔系好钟意我”。他说自己作为资深主持，多年来保持节目收视，“我觉得揾我（传圣火）一啲问题都冇”，是实至名归。

阿叻：因为我系资深嘅

无线日前播出“阿叻”于巴西担任火矩手片段，当时他以“体育记者”自居，对于外界质疑他不能代表体坛，又质为何TVB有权选派火矩手，陈百祥指“觉得佢哋（网民）唔知道呢件系咩事啰”，解释“TVB因为我系资深嘅，我又做咗咁多届奥运，咁多体育节目，世界杯呀，洲际杯呀，巴西都系我做嘅，所以我觉得揾我一啲问题都冇，我睇唔到个争议系边度㖞”。
 

“TVB揾我一啲都唔奇怪啦，我系TVB不二之臣呀嘛，TVB出身，未炒过鱿鱼，未加过人工，又未减过人工，所以咪不二之臣啰！”