【阿叻传圣火】纪嘉文话“得啖笑”　施幸余问：点解？

巴西里约热内卢奥运将于8月举办，无线电视（TVB）派出艺人陈百祥“阿叻”担任唯一一名代表本港的火炬手。外界质疑为何非由运动员传递圣火，本港运动员又点睇？

纪嘉文：滑稽、得啖笑

有“香港飞人”之称、本港半马纪录保持者纪嘉文，接受《香港01》访问时形容事件“滑稽”、“得啖笑”。他说奥运为体育盛事，理应找回体育界的人，“无端端揾个艺人，成件事好似唔关事……你做金像奖，会唔会揾体育嘅人去？”

纪嘉文表示，火炬手空缺只得一个，“拣边个都系死，拣咩都有人话唔公平”，但他认为正常而言应由运动员出任，“叻哥”担任火炬手难以服众，“你凭咩代表香港人去做火炬手先？”，又直言“运动员真系讲成绩㗎嘛，你又唔系运动员，喺香港又唔系特别知名”。

施幸余：点解经TVB揾人？

有“香港女飞鱼”美誉的施幸余则称感到奇怪：“点解唔系奥委会揾人？”她认为由TVB选出火炬手令事件变成商业决定，“你揾得TVB嘅，佢好难揾到运动员，因为你揾个运动员，个运动员就变代表TVB，件事唔同咗”，认为应由奥委会选出火炬手。