躁男大闹麦当劳！1原因骂足5分钟震撼全场　喝令职员：你出嚟呀！

新年流流最好和和气气，但总会出现例外场面。网传影片拍到初三（1月31日）赤口有名大叔大闹马鞍山新港城麦当劳，他疑不满店员表示无法送餐，“佢话冇得送餐，冇人送呀，冇得送呀！”，在经理旁大闹“我唔系要向你投诉佢，我系要直接向麦当劳𠮶边投诉佢”。被投诉的女店员反驳自己说话被扭曲，“我好客气咁同你讲㗎”，大叔即呼喝“你出嚟呀！你惊呀？”。

目击者指该大叔因为出餐误会“大大声骂足5分钟，全个场都听到嘅”，赞扬店员已极尽克制，“大家都应该互相体谅，唔好咁多怨气”。网民群起批评大叔，“你可以投诉，但系你应该有基本嘅礼貌”、“愈X愈大声，仲要以为自己好威”，店舖客人多人手不足时未必能兼顾好送餐服务，揶揄大叔“识行识走送乜Ｘ嘢餐 ”。

楼主在Threads上传影片，指初三（1月31日）摄于新港城的麦当劳，“初三赤口，大家忍下口啦，出餐有误会啫，唔使咁样闹人嘅”、“阿叔不断话要投诉，记录下员工系克制嘅”。

不满未能送餐　索店员名字资料投诉

片段所见，蓝衣大叔站在柜台前和1名相信为分店经理的女职员理论，他指向镜头外位置，情绪激动说“我宜家问佢咩名呀？我宜家投诉埋佢呀！”。片段未清楚录下女经理回应，但大叔听后明显未下火，“你畀个名我，我宜家又唔系投诉你，我系要投诉佢，我唔系要向你投诉佢，我系要直接向麦当劳𠮶边投诉佢，你畀个名，畀佢啲资料我得啦”。

女经理低头处理事务，大叔突然大喝“咩叫冇得送餐呀？”，经理向其他人交代事宜时，大叔再喝“咩叫冇得送餐呀？了解咩啫，好简单，我问几时有，佢话冇得送餐，冇人送呀！冇得送呀！”，大叔指着手机“咁即系点呀？钱都畀咗！”。

呼喝女店员：你出嚟呀！你惊呀？

被投诉的女职员发声：“先生，我头先唔系咁同你讲，我好客气咁同你讲㗎。”大叔指住对方说“你宜家话唔系呀，咁你话冇呀嘛，系咪冇呀？”，再呼喝女职员“你出嚟呀！你惊呀？”。女经理则继续安抚大叔情绪。

楼主称骂足5分钟“全个场都听到”

楼主无奈指，即使员工有出错，“唔使大大声骂足5分钟，全个场都听到嘅，员工真系唔需要受咁大压力”，新年流流也不必因为小事“开波投诉人”。他认为餐饮业员工应得到基本尊重，提供送餐服务也加重员工工作量，“薪金有冇调整呢？”、“p.s.最好畀饭钟钱员工啦”。他又指现时香港社会气氛以至经济环境欠佳，“车公求签都话唔乐观，大家都应该互相体谅，唔好咁多怨气”。

网民斥大叔态度恶劣

影片引起热议，虽有网民认为“错就预咗畀人闹㗎啦，个收银克制啫，但明显被闹个方无啰”，但绝大部份网民不满大叔态度恶劣，“你可以投诉，但系你应该有基本嘅礼貌，唔应该将麦当劳嘅职员当系你嘅出气袋”、“赤口真系特别容易火遮眼架㖞！条四眼佬好似乘机揾交嗌咁”、“买个餐以为自己系大爷”。

网民揶揄“识行识走送乜Ｘ嘢餐 ”

不少人认为客人较多时，职员未必能马上提供送餐服务，“识行识走送乜Ｘ嘢餐 ”、“有手有脚，要咩人送餐呀！喂埋你食好唔好”、“除非系老弱伤残、或者带住啲小朋友唔方便行开就有理由需要送餐啫，系有手有脚就咪X拣送餐啦”、“有手有脚系可自己取餐嘅，不过得1个人自己去揾到位坐，出去取餐又无人帮手留住个位，先唯有拣送餐”。

网民嘲“凭当众闹人去获得自信”

网民又认为有部份市民喜欢当众闹大集团快餐店或小店员工，发现别人做错事就当众狂闹，“仲要系愈多人望就愈Ｘ得大声愈唔收口，而佢哋讲嘅嘢同眼神俾人觉得佢哋冇教养不特止，仲要系凭当众闹人去获得自信”、“大把呢啲人，越X越大声，仲要以为自己好威”。