唔卫生？法包装胶袋放店舖外地下等收货被公审　网民：大惊小怪

不少食肆未营业时，送货员都会将货品放于店舖门外。日前有网民在网上贴图，指早上途经某店舖时，发现有数袋法包被放置地面，虽然有用胶袋打结包好，但仍认为卫生欠佳，“点呀，卫生啲好唔好呀”。有网民指食物不应放地上，认为“不能接受”、“放落个面包盘都好呀”；惟有留言反指楼主大惊小怪，“咁惊唔好出街食嘢”、“十间九间店舖都是这样摆货”，又揶揄“你睇唔过眼你过去帮佢拎住，拎到佢开舖”。

楼主于facebook群组“香港茶餐厅及美食关注组”上传照片，质疑“点呀，卫生啲好唔好呀”。照片所示，1间未开门营业的店舖门外摆放了数袋法包，用胶袋打结包好，相信是送货员早上送货时放置地面，法包左方有1个白色胶袋，不知内为何物。

网民批评将食物放地下有欠卫生，“不能接受”、“纸皮箱都唔俾个”、“放落个面包盘都好呀”、“硬系要用透明袋俾人睇到，蠢咗少少啰”、“有机会俾老鼠偷食，然后就整俾食客，有边个担保无俾老鼠食过”、“系闸整个勾，勾住咪得，基本上无用心去做”、“见过有好几间茶餐厅，门口摆个箱要嚟收货”。

但有不少人觉得楼主大惊小怪，“食肆日常”、“咁惊唔好出街食嘢”、“十间九间店舖都是这样摆货”、“如果要等到开门先送，唔使做啦”、“你睇唔过眼你过去帮佢拎住，拎到佢开舖”、“你6点前去街市猪肉档睇吓”、“点都好过啲豆腐芽菜无遮无冚就咁放喺门口”，又指出外出用餐一向“眼不见为干净”，“其实整完喺面包舖未入袋，都系周围放”、“你去睇吓厨房点运作，先叫大开眼界”。

（FB“香港茶餐厅及美食关注组”）