香港职场巨婴大战老海鲜！00后首日返工带饭挨轰　网民反应一面倒

“世代之争”可说是职场上的“年经”，上一代总觉得新一代不济成为永恒话题。近日有网民在社交专页投稿，指有刚入职的00后同事，返工首日竟然“带饭”，怒轰对方不懂人情世故，不过帖文一出不少网民反指楼主有问题！

近日有网民在FB 专页“奴工处”投稿，指“上一代嘅人情世故再好难系新𠮶代人揾到”，矛头更直指千禧出世的年轻人。楼主指新同事入职第一日，正常都会同同事食饭，但近年经常听到“我带咗饭SORRY”，认为即使真的带了饭，也可以留夜晚才食，又或者覆一句“不如听日再一齐食”，难明新一代那套独行独断、独来独往的性格。

楼主强调并非要对方埋堆，而是大家一场同事，“除非你打算返几日就走，如果唔系唔系要对一年都对大半年，点解可以咁有性格？”他又指新年期间大部分同事都企起身打招呼拎利是，没料到年轻一辈同事竟坐著兼戴耳机跟老板拎利是，“唔讲仲以为班97后系老细添”。

帖文一出网民没有力撑楼主，反而几近一面倒认为楼主太过“old seafood”，返工跟同事食饭非必然：“你老海鲜，好多管闲事仲将自己𠮶套较硬套入人哋𠮶度”、““人情世故”定系“迂腐”都系一线之差”、“我带咗饭，点解为咗你哋，夜晚食？”、“调番转好多公司无welcome lunch”、“你哋所谓既人情世故由头到尾都只系上一代压榨同劳伇下一代嚟自肥籍口”、“我都觉得第一日唔应该带饭啰...唔系话一定要同同事食，而系间公司有咩唔对路，趁食晏时间就走人。”

但也有网民认同楼主，更分享个人经历，“过年前做晒research，边个同事结咗婚未都逃唔过佢法眼，仲会mark低边个未俾利是佢。之后就有意无意咁行去佢度R利是。”

其实不少毕业生刚返人生第一份工，都不清楚第一天上班到底有甚么要注意。作为曾经是职场新薯的“old seafood”，其实都可以多点包容，多点了解新一代的想法，自然误会也可减少。

👇👇👇即睇专家教第一日返工要注意的5件事👇👇👇