【温多娜手记】 施永青大女担大旗　继续“无为而治”管理利嘉阁

中原集团创办人施永青囡囡施慧勤，今年初接过利嘉阁主席一职。今日（30日）利嘉阁举行周年餐舞会，呢位新任主席当然要出来讲几句，稳定军心。

她致词𠮶阵讲笑话，叫大家唔好觉得奇怪，点解佢无啦啦会做咗主席。佢话自己过去6、7年都有喺利嘉阁工作，近2年出任董事，虽然少见前线同事与传媒，但将来会出来多一啲。

“新人事不会有新作风”

佢又话，爸爸施永青已经70岁，所以要交捧俾自己同埋细佬施俊嵘。不过佢就派“定心丸”，强调“新人事不会有新作风”，唔会有大改革，加上自己亦有基金会等其他工作喺身，所以唔会插手太多利嘉阁事务，会继续爸爸“无为而治”嘅理念，放手俾总裁廖伟强营运。

唔讲唔知，原来旧年推出嘅“真盘源”活动，是呢位太子女嘅谂法，佢话推出后市场反应正面，帮到生意，而且自己好有抱负，未来会推多啲“出位嘢”，同时优化成本，做到市好市差都赚到钱。