【栋仁的时光】胡鸿钧唱主题曲虾碌失准 原来多得赖慰玲搞搞震
为隆重推介新剧《栋仁的时光》，袁伟豪、唐诗咏、朱晨丽、胡鸿钧（Hubert）、黄长兴等一众演员齐聚尖沙咀出席宣传活动，期间Hubert更即场演唱剧集主题曲《最难忘一天》。未知是否因现场fans太多太热情导致难以控制，Hubert的表现因而有点受影响。
对此他解释：“啲fans平时都唔系咁架，平时系正常跟我唱架嘛，真系多得赖慰玲啰，佢次次都系咁架，每一次我做剧集宣传唱主题曲嘅时候呢，佢就会喺隔离喧哗起哄，搞到我好分心。因为呢啲剧集宣传好多时我都系第一次现场唱，难免会紧张啲，即系我一疾咗就会唔记得歌词，所以头先真系……唉，不过算啦，我都唔可以赖人嘅，系自己准备不足，头先又唔记得歌词，又忍唔住笑咁样啰。”问到可会找机会向赖慰玲“寻仇”，Hubert表示不会怪责对方，因为大家只是关系熟络开开玩笑，但同时求求她放过自己，不要再作弄他。
活动现场所见，十有八九都是Hubert的fans，人气相当高涨，就连朱晨丽也开他玩笑：“你真系好多fans呀，你睇吓你啲fans，快啲同佢哋挥下手啦。”其实他的人气不只于香港，就连日前上广州进行签唱会，一样有大批fans撑场，Hubert坦言是始料未及的事，因此他看到现场的热闹情况后也深受感动，更表示日后可能会到内地不同地方再做签唱会，希望宣传自己的音乐。这岂不是与当年林峰初出道时的情况相似？剧集角色受欢迎，歌唱方面又被赞扬，然后四出举行签唱会。对此，Hubert谦逊地说：“哗！我差好远，咁当然佢系我学习对象啦，演而优则唱，我都希望各方面可以慢慢进步。”
Hubert现时的人气如此之高，不顺势举行个人演唱会更待何时？
“开骚系一直同公司商量紧，如果开嘅话将会系我第一个个人卖飞演唱会，所以我都唔想太鲁莽、草率，都希望喺一个最佳状态同最好timing先去开个唱。其实目前呢刻要做嘅就系出多啲歌先，推出多啲自己原创音乐。”他深思熟虑地回应。
【栋仁的时光】生命剩30小时会做啲咩？ 胡鸿钧：约晒啲朋友食饭
【栋仁的时光】林子善35岁买两层楼 除一人打3份工仲有乜秘技？