【栋仁的时光】林子善35岁买两层楼　除一人打3份工仲有乜秘技？

林子善2日前才刚与女友董佩欣（Kary）举行婚礼，今日(6日)就已经投入工作作出席新剧《栋仁的时光》的宣传活动。林子善接受《香港01》访问时说：“我今日收工之后仲要去还衫，不过我太太就已经过咗去泰国个单身派对。我就继续喺香港工作。渡蜜月都未有咁快，因为我要完成埋套网络大电影，起码5月尾先去到。因为宜家呢套剧系我好兄弟监制，佢都有话‘不如你唔好拍，去完渡蜜月先啦’，我话‘唔得，你嘅剧有预我嘅我好想参与’。我话‘我唔去旅行，唔去渡蜜月我都要拍埋先，同你一齐打埋仗先’。所以我会拍完套剧先去渡蜜月。”就咁听都感觉到“洪爷”𠮶份热血。

林子善（人称洪爷）除了对“兄弟”“朋友”出名好之外，对自己亲人亦是如是。在娱乐圈拼博多年的他，原来早在几年已将购得的三层高村屋赠于父母居住，之后又帮助亲大佬俾埋首付“上车”买楼。林子善：“买俾爸爸妈咪层楼已经买咗好耐啦，虽然层楼个名系我，但系喺我嘅角度系唔属于我。（会唔会买返层俾自己同老婆？）会，我希望出年可以生小朋友，所以短期内我要开始‘跑山’跑个首付返嚟。”。

林子善婚宴劲墟冚多星过台庆 杨怡罗仲谦手拖手出现苟姑娘最省镜

林子善大婚感触眼红红多谢老婆：会当外父外母系自己阿爸阿妈

到底林子善是如何储钱买楼呢？林子善说：“老实讲我揾钱唔多，譬如开工时间，喺TVB使费唔算多。好多时去到外景都会有饭包埋，所以食饭就唔需要自己俾。如果喺TVB入面拍戏，就系TVB饭堂食饭，因为好抵食。（注：约$30一个碟头饭）如果喺屋企，我每日朝早就会落铺头食，之后做完运动，就会去买𩠌，每日2个人使费大约系$150-$200一餐。”

骤眼睇，$150一餐饭好似好贵。林子善屋企又会请工人，又要供楼。其实子善在悭钱之余，更会想办法增加收入。“其实我系做紧3份工。我冰室铺头有生意啦，我会自己去睇。我又要拍剧拍戏，之后有机会嘅话我仲要去打碟做DJ。但系出面啲人成日话一个月净系揾1万蚊储唔到钱，梗系啦，你只系做1份职业，但系我系做紧3份职业。大部份人放假嘅时候我都喺度返工，基本上我系全年冇休息。就算放假我都系留喺屋企或者落健身室，只系$700一个月。同朋友食饭我都系去食百几蚊嘅自助餐任食。平时出入我都唔揸车嘅，油费停车场又可以悭返。”

林子善：“我一日唔会用超过$200，一个月最多用$6000。我一个月正常都系揾2万几，如果冇剧开的话。所以如果要储首付嘅话，系要靠老细请我去打碟，或者夜场出show，再悭悭埋埋先揾到。”