【栋仁的时光】生命剩30小时会做啲咩？　胡鸿钧：约晒啲朋友食饭

剧集《栋仁的时光》将于本月16号播出，今日（6日）一班演员去到闹市为新剧宣传造势，活动上袁伟豪还同林子善大玩咀咀，场面相当搞笑！胡鸿钧今次就在剧中扮演一个钟意发明小玩意的“废青”，既然套剧同时间有关，不知道Hubert有没有做过一些浪费时间的事呢？“我觉得嘥时间都系一种经历嚟嘅，我谂每个人肯定都经过譬如话hea呀，或者唔知自己做紧乜呀，咁但系我亦都觉得反而系经历过呢啲时间，先知道自己唔可以再虚度光阴，浪费生命。”从错误中汲取教训，就是这样喇。
 

Hubert还透露，自己其实都有过好颓的时候，就算入行之后都曾经历过一段时间的迷茫，不过正是因为这样，令他有时间去思考自己的人生，身边亦有一班亲友支持自己，“佢哋都会以过来人身份分享佢哋之前相同嘅经历，咁我觉得系成件事好似有人明白我㖞，即系我唔系孤独嘅，同埋屋企人嘅支持都好紧要，佢哋慢慢令到我开始会认真去思考下究竟自己得呢条路之后仲有咩行嘅。”所以遇到难题，一定要同身边的亲人同朋友倾诉，慢慢就会找到自己的方向。

Hubert现时正积极准备饥馑30演唱会，提到大家都好想看他在台上跳舞，Hubert就表示要点到即止，好的东西要慢慢分享，看来fans都有排望喇。但是如果生命只剩下30小时，Hubert会做什么呢？“约晒身边的朋友出嚟食饭，再好好感受下同朋友相处的最后时间。”真是朋友大过天喇！