林凯恩无辜卷入餐厅欠债风波：知道有人想借我个名去向对方施压

林凯恩（Iris）今日（6/2）现身油塘出席无线处境塘剧《爱·回家之开心速递》宣传造势活动。提到早前报道爆料指她圈外男友男友Vincent及其父亲位于尖沙咀山林道经营的一间餐厅拖粮，金额高达接近50万，相关人士更点名指她是老板娘。

Iris就事件接受《香港01》访问时笑言：“点解又系我！其实我本身系好重情意，身边嘅朋友嘅嘢，我帮得就帮，我就冇谂咁多嘢，可能其他见过我喺𠮶间餐厅度帮手，就咁误会咗。（话你喺度帮手埋数？）首先我就数学就唔叻，对金钱冇概念，咁所话我帮数就一定系误会。（有指Vincent系你男友？）个个都咁讲，其实𠮶个系朋友嚟，而我都物色紧，暂时系未有，希望新嘅一年会有。（会唔会之前系男友，而家唔系？）学我妈咪话斋，一日未结婚都系朋友，而我就觉得一日未确定嘅话，我都唔敢讲畀大家知，因为好多人都睇住我大，我要真系确定先会承认对方身份，因为好多时都怕会有变数，到时影响对方就唔系咁好。”

事件被爆出会否对你造成压力？Iris笑言：“咁又冇。不过啲朋友讲笑叫我唔好去佢哋啲餐厅食嘢，费时又扯上关系。我好希望新嘅一年会有啲正面嘅嘢。（会唔会怕咗唔敢再落去𠮶间餐厅？）都唔会话唔落去嘅，但可能就选择一大班人落去咁样会好啲，避免再惹人误会。始终自己都系公众人物，知道有人想借我个名去向对方施压，我好希望大家用一个正常合法嘅途径去处理，我只系俾正能量俾大家，而我就唔希望做中间人嘅角色，牵涉喺唔同问题嘅事上面。呢铺真系躺着也中枪。”